2016年4月14日 星期四

捨近取遠 傅嘉莉搭船行餐飽 [壹週刊 - 1362] __,傅嘉莉,M1,

過到香港,傅嘉莉同外傭各行各路,趕時間嘅佢,摩打腳行咗去Landmark附近一幢大廈。同你吟一吟捨近取遠 傅嘉莉搭船行餐飽搵錢有好多方法,但想快人一步,理想達到,就要走捷徑!尤其係食娛圈飯,路數多,只要肯,多多少少總有。因為如此,31歲傅嘉莉以每月兩萬賣身大台,一樣可以入住月租六萬嘅鴨脷洲豪宅「南灣」,全因佢唔介意肥膩,更加唔計較係做小三定小四,俾兩條大水喉照住,晨咁早就買買賣賣過幾層樓,好掂!早 ...


過到香港,傅嘉莉同外傭各行各路,趕時間嘅佢,摩打腳行咗去 Landmark附近一幢大廈。

同你吟一吟

捨近取遠 傅嘉莉搭船行餐飽

搵錢有好多方法,但想快人一步,理想達到,就要走捷徑!尤其係食娛圈飯,路數多,只要肯,多多少少總有。

因為如此, 31歲傅嘉莉以每月兩萬賣身大台,一樣可以入住月租六萬嘅鴨脷洲豪宅「南灣」,全因佢唔介意肥膩,更加唔計較係做小三定小四,俾兩條大水喉照住,晨咁早就買買賣賣過幾層樓,好掂!

早排《壹》仔撞到平日開工有司機靚車接送嘅傅嘉莉,同個外傭姐姐由尖沙咀半島酒店,行去碼頭搭船過中環,只見佢全程一支箭咁,明顯好趕時間。

尖咀過中環,搭港鐵快靚正,但搭船就勝在唔多人,傅嘉莉喺船艙望吓景食吓嘢,又擺晒 pose叫外傭幫佢影相,轉頭就到。落船後,兩主僕分道揚鑣,傅嘉莉開行 turbo行返過 Landmark嗰邊,勁趕!

搵錢要快捷,其他嘢,傅嘉莉唔怕兜遠少少!

行到去碼頭,先入滙豐㩒錢。

一上到船,傅嘉莉將副超推上頭,跟住開餐。

傅嘉莉叫外傭姐姐用手機影低坐船相,之後再親自過目睇吓靚唔靚。

有新加坡肥叔叔 Low Check Kian照顧外,「人夫殺手」傅嘉莉亦被指搭上已婚嘅法拉利香港代理莊天龍,二人經常拍拖出埠。

撰文:八珍


鍾意就快D Share啦!