2016年4月14日 星期四

E cup對手太「胸」猛  BabyJohn拍到嘔 [壹週刊 - 1362] __,Baby,蔡瀚億,BabyJohn,Angelababy,M1,

同女主角的殭屍替身水中肉搏至凌晨,加上個胃唔舒服,BabyJohn面青呆坐池邊。娛樂偵訊Ecup對手太「胸」猛 BabyJohn拍到嘔轉做電影監製的夏雨,今年計劃開三部戲,頭炮是《救殭清道夫》,電影日前拍煞科戲,身為人夫的男主角BabyJohn(蔡瀚億),同E胸女主角、來自馬來西亞的林明禎在水中激戰,又攬又錫(咬),好艷福到呢!鏡頭後,BabyJohn面青青冇厘表情,原來全日個胃都唔舒服,還要由傍 ...


同女主角的殭屍替身水中肉搏至凌晨,加上個胃唔舒服, BabyJohn面青呆坐池邊。

娛樂偵訊

E cup對手太「胸」猛  BabyJohn拍到嘔

轉做電影監製的夏雨,今年計劃開三部戲,頭炮是《救殭清道夫》,電影日前拍煞科戲,身為人夫的男主角 BabyJohn(蔡瀚億),同 E胸女主角、來自馬來西亞的林明禎在水中激戰,又攬又錫(咬),好艷福到呢!

鏡頭後, BabyJohn面青青冇厘表情,原來全日個胃都唔舒服,還要由傍晚浸水到天光。最終 BabyJohn連嘔幾次,名副其實拍到嘔!

個胃全日頂住

煞科戲在香港仔一個私人屋苑的室內泳池進行拍攝,男女主角黃昏六點埋位,當 E胸林明禎忙於化妝,變身半人半殭屍之際, BabyJohn已經人在泳池,同女主角的殭屍替身在水中埋牙肉搏。

導演一嗌 cut,工作人員馬上拉 BabyJohn上水,遞毛氈包身又開行暖爐及送上熱茶,只見坐在池邊回氣的他,面青青一臉呆滯!

在泳池大大話話浸足六個鐘,未回魂的 BabyJohn由工作人員安排上水換衫,拍同林明禎埋牙激咬場口。場戲由女主角做主動, BabyJohn負責獻出嘴唇交戲,一拍十幾 take。

「呢個 shot之前拍過,我哋兩個都知導演要咩,所以冇話尷尬,反而係今日個胃頂住好唔舒服,加上喺水浸咗咁多個鐘頭,上水嘔咗幾次,個人有啲虛。」 BabyJohn說。

事業線好吸睛的林明禎,原來唔識游水㗎。

林明禎當住十多名工作人員面前,一口噬落 BabyJohn個嘴,肉緊又逼真。

拍完咀戲,兩位主角即刻緊張睇 playback。

識潛水唔識游水

跟住輪到肚兜紗裙打扮的林明禎落水,先坐到泳池邊𠌥前試水溫的她,三吋事業線現形。導演一聲令下,自動波跳落水,原來她是不會游水。

「我一直以為我識,因為我識潛水,來到呢度先知道我唔得,還好水底下有工作人員睇住,才可以順利拍完。」林明禎說。

第一次拍電影,林明禎對於自己的水中演出表現緊張,就算身上戲服又薄又少布,每拍完一個鏡頭,都堅持上水睇 playback,令大家大飽眼福,但呢場煞科戲,就要拍到凌晨七時才收工。

著住薄紗戲服上水,若隱若現好誘人。

臨天光, BabyJohn同林明禎水底再嘴。

身為監製的夏雨,全天候坐鎮,不時同錢小豪、 BabyJohn研究鏡頭走位。

放消夜,男神王宗堯突然蒲頭探班。



網絡女神

現年二十五歲的林明禎,出生於馬來西亞檳城,胞姊是藝人林詩枝。 14年,天使面孔 34E魔鬼胸的林明禎,在台灣網絡爆紅, ig及 fb相片被網民瘋傳,搶手貨林明禎最終簽約角色音樂工作室,並於去年移居台北,全面殺入台灣市場,並推出首張個人唱片《冒險愉快》,成為新一代「宅男女神」。

撰文、攝影、攝錄:娛樂組


鍾意就快D Share啦!
Related Posts Plugin for WordPress, Blogger...