掃呢頁CODE去手機

2016年4月21日 星期四

抄足余文樂 周柏豪做翻版自組球隊 [壹週刊 - 1363] __,柏豪,余文樂,周柏豪,M1,

娛樂偵訊抄足余文樂 周柏豪做翻版自組球隊成為潮人icon後,余文樂數年前開始搞球隊,又生產自家品牌,住豪宅揸名車,成個富貴晒!一直以樂仔為假想敵的周柏豪,近年亦跟到足,轉型拍戲及自創品牌XPX外,最近更組班成立籃球隊「PowerGingers」(老薑),擺明衝住樂仔的「橫州工業」而來,做唔番兄弟,周柏豪咬住唔放。破冰傾番偈一四年,周柏豪因為「貪就手」,偷食隊友的細妹,結果被踢出余文樂揸弗的「橫州工 ...


娛樂偵訊

抄足余文樂 周柏豪做翻版自組球隊

成為潮人 icon後,余文樂數年前開始搞球隊,又生產自家品牌,住豪宅揸名車,成個富貴晒!一直以樂仔為假想敵的周柏豪,近年亦跟到足,轉型拍戲及自創品牌 XPX外,最近更組班成立籃球隊「 Power Gingers」(老薑),擺明衝住樂仔的「橫州工業」而來,做唔番兄弟,周柏豪咬住唔放。

破冰傾番偈

一四年,周柏豪因為「貪就手」,偷食隊友的細妹,結果被踢出余文樂揸弗的「橫州工業」,波友做唔成,兄弟情亦決裂。

「退隊柏豪都有搵其他人打波,但其實近年佢都好忙,啲時間放晒喺工作。偷食隊友個妹件事揚開之後,佢同樂仔已經冇乜再見,就算真係見到都冇嘢講;不過上年年中,佢哋成日撞到,樂仔同佢講番嘢,算係破咗冰,關係冇以前咁僵!」知情者說。

橫州工業

Power Gingers

三十萬抵用

兄弟情不再,周柏豪更加視對方為假想敵。

「柏豪好勝心強,好鍾意比較,佢覺得自己條件唔比樂仔差,見對方近年喺內地拍劇搵大錢,又成日拍到啲有卡士嘅戲,佢想快啲可以好似樂仔咁,希望自己可以响電影界上到位,所以爛面《四非》,同要有幽閉恐懼症嘅佢埋响水泥十幾個鐘嘅《水泥》,佢都照搏盡。柏豪雖然冇票房,亦冇一套擔正嘅電影收得,但勝在片酬低,三十萬起跳,抵用!」

余文樂與周柏豪曾是隊友,可惜周柏豪溝隊友妹妹,而搞到兄弟反面。不過,橫州工業內有唔少係甲組球員, Power Gingers打開業餘少年籃球賽,點都未夠班同橫州工業撼。

做唔成隊友,連朋友都無得做,直到去年年中才破冰,可惜兄弟情已不再。

針對性照抄

要同片酬四百萬一部的余文樂拉近距離,周柏豪有樣學樣,除了生產自創時裝品牌,最近更自組新球隊 Power Gingers(老薑)。

「樂仔一四年推出 MADNESS,柏豪就跟住搞 XPX,講受歡迎當然係 MADNESS勁好多,始終樂仔人脈比柏豪廣,而且樂仔走日系,柏豪玩韓風,檔次亦有分別。俾人踢出『橫州工業』後,上年年尾柏豪自己搞咗隊 Power Gingers,雖然佢同啲朋友講只係打吓品牌賽,不過明眼人都知,隊波係搞嚟撼樂仔。」知情者說。

較余文樂遲七年入娛圈的周柏豪,樣樣跟到貼,抄到足,不過要超越對方,漫漫長路。

周柏豪與圈外女友 Stephanie拍拖六年多,表面專一的他,曾多次被拍到背住女友溝其他女仔。

正印 Stephanie

余文樂涉足電影多年,曾被冠上「票房毒藥」之名,直至近幾年才撇去稱號。

為了在影壇立足,恨拎獎的周柏豪唔介意爛面演出非商業電影《四非》。

在曾國祥執導的單元《水泥》中,周柏豪被水泥活埋 13小時,有幽閉恐懼症的他只好頂硬上。

周柏豪 VS余文樂

周柏豪吸金能力不及余文樂,事業發展亦唔夠對方全方位,未成功打開內地市場,只可做 A貨。

周柏豪

年齡: 31歲

品牌: 14年成立品牌 XPX

球隊: Power Gingers(老薑)

座駕: 100萬 Benz Jeep

物業:租住將軍澳日出康城

余文樂

年齡: 34歲

品牌: 11年成立品牌 Common Sense( CMMS), 14年再推出品牌 MADNESS

球隊:橫州工業

座駕:

(左) 800萬灰色 GALLARDO COUPE林寶堅尼

(右) 100萬黑色 Range Rover Evoque

物業:

10年以$620萬購入元朗錦繡花園(父母住)

10年以$1,600萬購入東半山肇輝臺 17號嘉苑(自住)

15年以$2,131萬購入觀塘甲級工廈中海日升中心高層單位

唔使四炒

拍戲、片酬、搞自創品牌同球隊,周柏豪都唔夠余文樂砌,但講到唱歌,就比同樣是歌手出身的樂仔強。在紅館開過演唱會,又拎過叱咤男歌手金獎,又係唱作歌手,靠音樂一環搶番啲點數,唔使四炒!

撰文、攝影、攝錄:娛樂組


鍾意就快D Share啦!