掃呢頁CODE去手機

2016年4月21日 星期四

生日撇甩兩個仔 陳豪拖大肚陳茵媺半島開房 [壹週刊 - 1363] __,茵媺,陳豪,陳茵媺,M1,

見到記者,陳豪友善揮晒手。探熱針生日撇甩兩個仔 陳豪拖大肚陳茵媺半島開房35歲陳茵媺(Aimee)三年抱三,今胎預產期在5月,雖然個肚籮咁大,但Aimee依然活躍。上週六(16/4),老公陳豪45歲生日正日,兩公婆選擇撇甩兩個仔,入住半島酒店房一晚,二人世界慶生。果然有情趣!交換驚喜預產期在五月的陳茵媺,有傳第三胎同樣係仔,個肚愈來愈大,靚媽Aimee依然冇走樣,臨盆日子將近的她,最近將頭髮剪得更 ...


見到記者,陳豪友善揮晒手。

探熱針

生日撇甩兩個仔 陳豪拖大肚陳茵媺半島開房

35歲陳茵媺( Aimee)三年抱三,今胎預產期在 5月,雖然個肚籮咁大,但 Aimee依然活躍。上週六( 16/4),老公陳豪 45歲生日正日,兩公婆選擇撇甩兩個仔,入住半島酒店房一晚,二人世界慶生。

果然有情趣!

交換驚喜

預產期在五月的陳茵媺,有傳第三胎同樣係仔,個肚愈來愈大,靚媽 Aimee依然冇走樣,臨盆日子將近的她,最近將頭髮剪得更短。

剛過了三十五歲生日的 Aimee,有老公陳豪,串埋一班好姊妹張嘉兒、朱凱婷幫搞生日 party,遲半個月生日的陳豪,亦獲老婆回禮,送上驚喜。

老公正日生日當天,豪嫂預訂了一間半島酒店套房,過一晚二人世界。

「 Aimee鍾意浪漫,所以陳豪成日製造驚喜冧老婆,但結婚之後係咁生,平日湊住兩個仔,唔係有太多二人世界時間;今次揀生日喺半島開房過,都係 Aimee安排,兩個仔有嫲嫲照顧唔會扭計,所以佢哋都放心。」知情者說。

陳茵媺挺住巨肚,同老公陳豪到半島酒店開房過生日,享受二人世界。

貴賓光臨,酒店職員寸步不離招呼。

陳豪全程拖實老婆,更不停互望甜笑。

公關接駕

當日(四月十六日)中午十二時多,陳豪陳茵媺由司機接載到尖沙咀半島酒店,身穿鮮橙色大肚裙的 Aimee率先落車,就生得的她,個肚超大。兩公婆十指緊扣行入酒店,先到大堂櫃枱 check in,未幾,酒店公關已蒲頭接駕。

公關全程傍實貴賓,陳豪拖住老婆行去搭𨋢上房,雖然記者跟到實,兩人仍然友善。入到𨋢, Aimee再次向記者揮手拜拜。

除了開房過一晚,當日 Aimee還 book了餐廳,又預訂了情侶套餐和準備定生日蛋糕,事後她在微博留言,稱老公做「 Baby」,甜到漏。

四月一日,陳豪約埋老婆一班好姊妹,搞神秘 party幫陳茵媺慶生, Aimee在微博晒幸福。

陳茵媺去年復出,與杜汶澤到大馬拍電影《開飯喇!》,當時 Aimee還未知自己有咗。

佗住第三胎時, Aimee還不時出席公開活動。

意外有咗

三年抱三,除了第一胎意外懷孕,今次有咗亦屬意外!湊仔一段時間,去年中簽約了經理人的 Aimee,原本計劃在事業上再衝刺,未料又突然有咗。

「 Aimee對演戲仲係好有興趣,好想自己有一番事業,但另方面佢覺得同阿 Mo(陳豪)一齊係注定,為家庭同兩個仔,佢冇後悔嗌停事業;阿 Mo明知老婆未心息,舊年都鼓勵佢復出,八月去咗大馬同杜汶澤拍《開飯喇!》,當時佢都未知自己有咗。」

大哥細佬感情好

再一次因為佗 B打亂工作計劃,但 Aimee亦有子萬事足,每次提起兩個仔,便笑到見牙唔見眼。

「 Aimee話依家細仔會撩大佬玩,兩個喺床上講 BB話,見到佢哋,就覺得幾辛苦都值得,仲有,佢認幾兄弟年齡相近,感情亦會特別好,所以 Aimee都唔介意不停做生仔機。」知情者說。

陳豪一有時間便幫手湊仔,享受家庭樂時間。

大仔 Aiden已經兩歲,細仔 Nathan亦一歲,兩個同樣鍾意黐媽咪。

仲係好愛

被封為圈中模範夫妻的陳豪、陳茵媺,由拍拖到結婚生仔,經常十指緊扣出巡,甜蜜度有加冇減。

連錫十啖

13年,陳豪陳茵媺拉埋天窗,二人於巴黎舉行婚禮,等的士期間,陳豪突然從後攬實女友,更情不自禁於半分鐘內連錫咗陳茵媺後尾枕十啖,錫到有的士先肯停。

互相餵食

11年,二人於深井碧堤半島甜蜜同居試婚,陳茵媺親自下廚,食飯期間,二人不停互餵,非常溫馨,其後 Aimee攞住維他命丸要男友食,更逐粒逐粒餵到入口,相當有情趣。

微博晒恩愛

去年 6月,結婚兩周年紀念日, Aimee不忘於微博大晒恩愛,貼上巴黎鐵塔模型照,紀念當年二人結婚行禮之地。

撰文、攝影、攝錄:娛樂組


鍾意就快D Share啦!