網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年4月28日 星期四

一億男主角好錫身 驚青張晉搵人跳海 [壹週刊 - 1364] __,張晉,M1,

探熱針一億男主角好錫身 驚青張晉搵人跳海下個月便42歲的張晉,由替身、武指做起,到前年憑《一代宗師》獲最佳男配角,終於捱出頭,近日更拍住余文樂、文詠珊、蘇麗珊在太陽娛樂投資逾一億人仔的新戲《狂獸》升呢做男一。不過向來唔驚死好打得的張晉,竟然搵替身代拍跳海戲,好錫身!四百萬片酬蔡少芬老公張晉去年在《殺破狼2》演大奸角,同泰國拳王TonyJaa、吳京鬥打,有口碑有票房。電影於中港兩地勁收五億,太陽娛樂 ...


探熱針

一億男主角好錫身 驚青張晉搵人跳海

下個月便 42歲的張晉,由替身、武指做起,到前年憑《一代宗師》獲最佳男配角,終於捱出頭,近日更拍住余文樂、文詠珊、蘇麗珊在太陽娛樂投資逾一億人仔的新戲《狂獸》升呢做男一。不過向來唔驚死好打得的張晉,竟然搵替身代拍跳海戲,好錫身!

四百萬片酬

蔡少芬老公張晉去年在《殺破狼 2》演大奸角,同泰國拳王 Tony Jaa、吳京鬥打,有口碑有票房。電影於中港兩地勁收五億,太陽娛樂揸弗人黃柏高( Paco)今年初更一口氣同張晉簽下三部片約,擺明力捧,未開工,先穩袋千二萬片酬的張晉,在新戲中終於擔正做好男人,與大反派余文樂兄弟相殘。

張晉(黃圈) 9歲便習武再入埋四川省武術隊, 98年退役後先做替身。當日拍他被追捕喺船上跳來跳去, easy job。

雖然當日呢場跳海戲有替身(後)上陣,但張晉都冇偷懶,落足眼力幫手睇位。

張晉喺舢舨拍完一輪,替身準備就緒接力跳海。

水底爆炸

上週二(四月十九日),《狂獸》正式埋位,連日來在香港仔石排灣漁類批發市場開工,今時不同往日的張晉不單有助手傍住,休息補妝時更有三人服侍,好有氣勢。當日他拍一場在舢舨船頭被追捕的場面,現場工作人員都大為緊張,不過好身手的他一 take過搞掂,令身在現場的監製鄭保瑞及新導演李子俊唔使操心。但拍一場跳海戲,張晉就未有親自上陣,反而搵替身跳落海。

「張晉喺新戲會打到飛起,打得仲甘過以前,其實都係 Paco刻意安排,因為佢覺得張晉係時候上位,今日呢場落水戲比較簡單,張晉唔熟水性,同埋 Paco想佢留力喺之後爆破嗰場戲,所以幫佢搵咗替身落水。嗰場八號風球水底爆炸戲,佢同樂仔、家棟都有份,三個人都冇得走雞,拍親戲張晉都係最消耗體力嗰個, Paco唔想佢吓吓都咁辛苦。」《狂獸》劇組人員透露。

張晉煙癮甚大,每逢未埋位,都爭取時間扯幾飛,而且仲扯到落濾嘴。

休息期間,張晉與替身傾出招傾到手舞足蹈。

等開工,張晉坐喺船頭扮型, chok神林峯有對手了。

跟蔡少芬結婚八年仍恩愛,張晉一家四口都算圈中模範家庭。

買重保險

電影在翌日才舉行拜神儀式,除 JM缺席,大部分主要演員都到齊,其間揸弗人 Paco不時拉住張晉密密斟,好有交流。問到張晉係咪驚落水,他表示:「因為呢部戲要玩齊海陸空,所以買重咗保險,其實我部部戲都好危險,每次都要買保險,但要潛水真係有啲驚,我都怕隨時出事。」虔誠基督徒的蔡少芬會幫你祈禱,放心。

捱了多年,前年憑《一代宗師》「馬三」一角奪金像獎男配角,實力受肯定,抵老婆 Ada錫晒。

蘇麗珊在片中飾演張晉養女,喺片場甚受男演員歡迎,怕怕醜醜的她十分 sweet。

去年在《殺破狼 2》中張晉的大奸角極受注目,武技同「泰國拳王」 Tony Jaa、吳京有得揮。

4月 20日(上週三),余文樂、林家棟、監製之一黃柏高現身《狂獸》開鏡拜神,張晉打生打死終於升呢男一,切燒豬企最前,身份象徵。

Paco點名力捧張晉做主角,二人一得閒就密密斟,算唔算係識英雄重英雄?

今時唔同往日,張晉有助手跟場,補妝更有四人服侍,升晒呢。

撰文、攝影、攝錄:娛樂組


鍾意就快D Share啦!