熱爆娛樂: 【女神返咗嚟喇！】淡妝陳法拉新鮮抵港甜笑殺晒 _

2016年5月21日星期六

【女神返咗嚟喇！】淡妝陳法拉新鮮抵港甜笑殺晒 __,法拉,女神,陳法拉,

男神黃子華今日下晝1點幾，現身大角嘴一棟唐樓，為舞台劇《前度》綵排，不過女主角陳法拉呢，就唔見人喎！到傍晚6點左右，排咗足足5粒鐘子華神終於做完綵排落樓。雖然排咗咁耐，不過子華神落嚟對住記者，都係keep住蓮子蓉口面，一啲倦態都冇。問佢排劇進度如何？子華就話：「進度好理想，應該會排到開騷前！」問到今次舞台劇有咩特別元素，子華神簡而精咁答：「冇，總之係好睇嘅舞台劇！」子華神揸車走咗後約半個鐘，終於見到化淡妝嘅法拉現身，不過就唔係用子華落嚟條樓梯，而係喺隔籬舖頭閃出嚟，一出到街，已經有助手幫佢截定的士。記者沿途嗌住法拉，想佢停低影張相，不過唔知法拉係咪去咗美國讀書兩年，唔係好慣面對鏡頭，冇答記者就9秒9上車走人。

冇乜點化妝嘅法拉，依然索！		冇答問題，但就有笑容搭夠！
排足5粒鐘，子華神終於現身	嘟嘴矇眼都係男神！	問子華舞台劇有咩特別元素，佢chok住話「冇」。