連天王黎明（左紅圈）都讚祥仔扮自己好笑，就知道祥仔嘅扮嘢功力有番咁上下！
阮兆祥於伊館舉行棟篤笑，為港人發放正能量。談到不少人成長於屋村，擁有「屋村情懷」時，他即以功夫熊貓造型大談住屋村的點滴，並與全場自拍留念搞氣氛，更清唱《前程錦繡》為港人打氣。另外，搞笑及扮嘢能手祥仔，更先後扮了麥浚龍、宮雪花、黎明等，更播片將郭富城戀情擺上枱，成功引發笑彈！
完騷後祥仔接受訪問。他直言希望借今次演出帶出正能量：「學黎明話齋：思想可以植入腦，咁咪要講多幾次（正能量）囉。（扮黎明、講郭富城唔驚對方嬲？）我冇扭曲佢哋嘅說話，冇貶意，大家都係朋友，聽黎明助手講，我之前扮佢拍片，黎明自己都有睇，話覺得好好笑。我哋搞二次創作，都係互相幫助，睇到我扮佢哋，粉絲又會想睇番自己偶像嘛。」
唔怕激嬲樂易玲
問到祥仔覺得是晚演出值幾分時，他神回謂：「咪陳淑芬囉...今晚未算完美演出，頭先我都叫啲朋友夜啲WhatsApp我，講畀我聽有乜可以改進。（頭先公然問陳敏之幾時離開無綫，樂易玲喺度喎！）唔會咁小器嘅，搞吓氣氛啫。（張衞健話你3年內進軍紅館？）紅磡殯儀館？其實伊館係棟篤笑嘅福地，黃子華同張達明等，都係喺呢度做起嘅，我唔會介意場地大細，最緊要係做好節目質素啫。」
來源 source: http://hk.on.cc
|
鍾意就快D Share啦！
|
|
|
