老人家成日話，女追男，隔重紗，係真嘅。霍建華公開認戀林心如，呢段相差四年嘅姊弟戀，由09年已經開始傳，傳到今日終於認喇，但大家又O嘴喎，真係好難捉摸……故事的起點，由05年合作拍《地下鐵》開始。當時已經有傳林心如同霍建華撻著，09年更傳發展到同居關係。不過都只係傳聞而已。但是，大家忽略了另一個女主角——陳喬恩。首先，時光倒流至2003年，霍建華同陳喬恩合拍《千金百分百》傳出緋聞，兩人曾被拍到逛夜市買under，但當時雙方否認。到分手後半年後，霍建華先至承認同陳喬恩拍過拖，亦是他在林心如之前，唯一認過拍拖嘅女子。好喇，時空跳到去2011年，林心如同霍建華拍《傾世皇妃》後，又再撻著。據知係，因為林心如真係真係真係好鍾意霍建華，主動追求，霍建華心動，兩人開始暗交，但未幾又散咗。2012年，回復單身嘅霍建華，同陳喬恩喺橫店拍劇集《笑傲江湖》期間，偷偷復合。兩人拍完之後，仲雙雙來港拍拖，又相約金庸食飯，愛得甜蜜。林心如真係好愛霍建華，喺喬恩同霍建華復合期間，盛傳心如做咗啲「小動作」，令喬恩誤會。喬恩本身係一個對戀愛百分百投入嘅人，自然難以忍受；但問題係，原來林心如同陳喬恩又係fd喎，媽呀，好亂呀！最後，林心如打俾陳喬恩，澄清番，話自己同霍建華冇嘢。喬恩選擇相信。但喬恩同霍建華，最後都係分手，因為女嘅係一個秒秒鐘需要愛的人，男方卻是事業心重，經常忙拍劇，滿足唔到陳喬恩。2014年，兩人分手。分手前霍建華跟友人說:「佢要得太多，我無法付出。」與陳喬恩分手後，霍建華曾戀上不同拍劇對手，包括趙麗穎、唐嫣等等(至於傳聞中的胡歌就……)拍一個愛一個。霍建華其實一樣感情豐富，極易投入戀情，對林心如係咁，陳喬恩係咁，唐嫣等等都係咁…直至早前，真真正正單身喇，一個人去完澳洲旅行，今年初應邀出席林心如40歲生日派對，女方再主動展開熱烈追求，加上心如同佢一樣都係事業心重嗰種，唔會令人有太大束縛，可以俾番適當空間霍建華——結果，好容易投入戀情嘅霍建華，再次同林心如愛火重燃。
|
鍾意就快D Share啦！
|
|
|
