唔知Amy同青雲啲潮語邊個勁啲呢？
影帝劉青雲太太郭藹明（Amy）以代言人身份出席護膚品牌活動，現年48歲的她即席分享護膚心得。問到保持凍齡肌膚有何秘訣？她說：「唔係啩，我希望係啦，其實冇乜秘訣，係要小心飲食、飲多啲水同休息。（唔係有個好老公咩？）咁佢有冇凍（齡）？（佢都凍凍哋！）我凍啲，手又凍，腳又凍。」談及於台上說到老公於生日時，送了一束用黑紙包的白花給她，Amy表示已事隔多年了：「佢仲好認真前一日專登去訂黑白色，但以後就五顏六色啦，因為佢可能見我當時冇乜反應，我問佢係咪有咩特別意思，佢話唔係，咁我就話留番遲啲適合嘅時候先送。」
怕出皺紋但拒整容
問到擁有凍齡肌膚的Amy，日後會否接受微調美容？她說：「未知將來科技技術，但我依家唔會做偏向創傷性嘅嘢，打針好痛，我好怕痛，忍痛能力低，將來唔知，但暫時唔會。（接受到60歲時出皺紋？）接受唔到，但一定會發生，一定要接受，冇得唔接受，凍咗（齡）之後慢慢會熱番，最緊要個人心態。」
撐麥明詩唔係炫耀
問到有否留意十優港姐麥明詩在旅遊特輯內不斷把「十優」及「劍橋」字眼掛在口邊，因此惹來觀眾狠批？Amy聞言後為對方解畫說：「可能佢好開心返到讀書時嘅地方，好似你返到鄉下會講番鄉下嘅嘢，好自然嘅事，換一個方法去睇，世界會更美麗。（你都係學霸，但冇炫耀？）因為我未返到洛杉磯啫，可能我返到去，到時都會係咁講，做節目要講啫。」
唔考慮拍真人騷
Amy又自嘲「離地」：「我啲潮語離地，離晒大譜，要學多啲。（老公都勁架！）我覺得唔係，有啲我識，佢都唔識，好似『升呢』都唔識，要惡補吓。」又謂自己不會考慮接拍旅遊特輯及真人騷：「我覺得私生活要留番畀自己。（多多酬勞都吸引唔到你？）暫時唔會。」
來源 source: http://hk.on.cc
|
鍾意就快D Share啦！
|
|
|
