53歲鄭敬基（Joe）迎娶細他19年的圈外女友Angie，下午舉行完婚禮後，晚上筵開9席設宴請親友飲喜酒，Joe更多次在facebook現場直播婚宴，不停請好友上台，其中他多謝「患難之交」黃寶欣外，又多謝李逸朗，感激他去年4月送機票給他一對仔女回港看他的音樂會，李逸朗更講反話「讚」Joe：「佢個人唔煩，唔長氣，乜都冇乜所謂，不過佢講完冇所謂，就會再同你話大家都覺得咁樣、咁樣做嘢會好啲。」
孖子女真情對話
其中一溫馨場面是，25歲的阿仔鄭家揚（揚揚）同21歲阿女依揚（Natalie）和父親的真情對話，婚禮司儀指揚揚明年8月20號大婚，再問揚揚：「你老竇有冇逼你延遲wedding？」揚揚就笑住話：「唔係，冇逼我。」再問：「當你老竇話你知識咗個女仔叫Angie，第一個反應點？」揚揚：「cool，ok，alright，好呀。第一件事覺得冇乜感覺。」司儀再問：「跟住你老竇同你講：『我要結婚。』有乜反應？」揚揚就話：「同我第一個反應差唔多，佢係（兩件事）一齊咁話畀我聽，我話oh！幾時發生呢件事？but我好開心囉！」
同愛感染身邊嘅人
問揚揚對爸爸結婚有何說話想講，揚揚就話：「爸爸，我戥你同Angie好開心，因為你哋兩個都搵到大家，都係愛神愛耶穌、愛大家，多過你愛自己嘅人.....唔好喊，唔准喊，唔望住你（哽咽）？....l can do this....你兩個都唔係perfect，你哋亦唔會perfect，呢度冇人會係perfect嘅，但我覺得你哋可以繼續包容大家嘅唔perfect，我覺得你哋咁做，唔perfect都可以繼續相愛，用你哋嘅愛去感染隔離嘅人。」Joe亦感動到落淚，之後就走上前攬住阿仔，場面感人。
阿女Natalie則說在加拿大好關心爸爸，擔心爸爸沒有老婆照顧，現有Angie陪伴，她好開心，而感激Angie愛她爸爸：「爸爸佢咁怪，我唔知佢喺邊度搵到你（Angie），你又冇乜所謂。爸爸，我為你（感到）好開心，祝福你兩個！」Joe眼濕濕走上前攬住阿女。錢嘉樂在現場問Joe：「究竟你外母大定你大？」Joe好大方咁話：「我大啲。」
|
鍾意就快D Share啦！
|
|
|