藝員伍詠薇現身中環為有線節目《伍姑娘真識食》錄影，伍姑娘於下午兩時半左右乘電視台專車現身錄影現場，雖然老公練海棠被指偷食，但伍姑娘似乎未受報道影響，心情顯得不錯。見大批記者追訪，伍姑娘笑笑口下車即表示：「辛苦晒大家！」問心情有否受到影響？她說：「心情有少少唔開心，一早就畀記者嘈醒，我都嚇一嚇。（老公有道歉？）道歉？我今朝要起身SET頭，都係（同老公）傾咗少少，叫佢講番件事我聽，大家平心靜氣去傾，冇乜嘢，依家知道成件事，覺得唔需要同大家交代，今次件事佢係抵打籮柚，就算幕前嘅我幾咁癲都好，家事嘅嘢都係要返到屋企處理。（會唔開心？）開唔開心？其實未知開唔開心，同老公返去會再傾，覺得好抱歉，令到大家擔心。」
忙工作少溝通
伍姑娘又謂：「事情唔啱，要打200大板就梗係架喇，而自己都要檢討，一直忙於工作，作為一個太太係要檢討吓。佢（練海棠）冇承唔承認，同我講咗唔好意思，要我出嚟澄清一下，真係影到佢哋，我唔會責怪，會私底下閂埋門傾，再了解個問題。自己過於投入工作，好似今日咁要同林奕匡出席活動，而我平時返去寫稿，好多時要成晚去準備忽略咗老公，拍劇更加係。一對夫婦係要一齊解決問題，會返去再傾吓點相處，兩夫婦係要再磨合。今朝打開WhatsApp都會嚇一嚇，有唔開心，今次處理幾冷靜，可能年紀大平心靜氣，鬧乜鬼啫！」
撐老公唔係偷食
被問到老公是否偷食？伍姑娘表示：「應該唔係嘅！」但被及是否認識女事主？伍姑娘未有回應，並請記者上現場繼續錄影工作：「我哋上去先傾啦，大家小心，睇車呀！（唔想再搭老公架車？）黐線！咁又唔會。」
另外，《東網》記者都有同伍姑娘做緊訪問，如果想睇直播就入去《東網》fb及《東網巨星》fb
《東網巨星》
https://www.facebook.com/onccstars
《東網》
https://www.facebook.com/onccnews
|
鍾意就快D Share啦！
|
|
|