戴莎莉夠晒索！戴碧芝都好正！
張栢芝媽媽戴莎莉接演的靈異電影《魕異II》舉行首映禮。首次拍戲的她隆重其事，悉心打扮性感到場，幾位子女包括戴碧芝、張豪龍及張栢文齊齊現身支持母親及影合照，其中碧芝的黑色晚裝「中門大開」，惹火身材相當吸睛，豪龍更帶同太太撐場，惟栢芝未有出現，可謂美中不足。
栢芝媽受訪時對其性感打扮打趣回應：「最保守呢件嘞。（栢芝唔嚟？）佢呢排比較忙啲，叫佢遲啲買飛捧場，可能佢畀surprise我呢。（今次拍戲覺得點？）好玩又好驚，雖然只係睇咗部份片段，但我覺得可以再演好啲。」
栢芝媽謂當初接戲未有第一時間告知子女：「想畀surprise佢哋。（同栢芝過招？）冇，我對自己有信心，佢都信我得。（日後想同啲仔女合演？）希望有咁嘅機會，都幾特別吖。」
張豪龍則表示已退出娛圈，太太為他誕下愛女約3歲，問到會否「追多個」，他表示：「都想，但依家養小朋友都貴，又難教，如果返加拿大會好啲。」而有份參演電影的馬來西亞女演員林詩枝以開V tube dress上陣，獲男影粉送花「示愛」，內地演員余小孽則谷出4吋事業線迎戰，更疑似露暈！
來源 source: http://hk.on.cc
|
鍾意就快D Share啦！
|
|
|