楊受成（左上圖左）透露克勤轉會加盟英皇，並唔係祖兒（紅圈）做介紹人，佢話真正原因係佢同克勤地下情4年，今日終於開花結果！
歌手李克勤現身酒店出席加盟英皇娛樂發布會，為隆重其事，英皇娛樂延開10席，現場更設有15人弦樂團，排場十足！克勤就以足球論比喻自己加盟英皇的原因，是因為想接受新挑戰，笑言：「踢咗英超咁多年，都要去西甲試吓！」
眾星拍片賀克勤
其後亦播出眾星包括李玟、徐小鳯、許志安、郎朗、周慧敏、黃偉文等的祝賀片段。克勤亦好醒目地表解釋為何沒有校長譚詠麟的祝賀，他直言：「冇理由叫環球（舊公司）嘅Artist錄一段，我明嘅，會好尷尬。」之後當克勤演唱了新歌《一個都不能少》後，就有四大傳媒代表，包括馮偉棠、陳志雲、梁肇宗及電視廣播有限公司及製作副總經理杜之克等人上台，而余詠珊都有到場祝賀克勤。當中，杜之克被問到是否很高興克勤這個契仔回歸無綫，他即笑言：「其實要恭喜TVB先，唔好講咁多，一次過還番晒（工作），嚟緊都會密鑼緊鼓有好多工作。」之後更帶來了無綫藝人的祝賀片段，包括黃淑儀、馬國明、余詩曼等，最後還搞笑播出太太盧淑儀當年參選港姐，唱出克勤《護花使者》的片段。
版權問題因克勤而起？
另外，經理人霍汶希亦直言等了克勤多年，終於可以合作，還特別播出英皇歌手的祝賀片段。而英皇高層吳雨表示多年前已經睇中克勤，又笑言與環球的版權問題都因克勤而起：「兩間公司入你數，開咁多次會，求咗你咁多次，終於有機會。」
英皇集團主席楊受成亦特別上台祝克勤多唱好歌，唱片賣斷市：「我要幫容祖兒伸冤，依次克勤轉會好多人都話係祖兒做介紹人，其實唔係，真正原因係我同克勤地下情4年，今日終於開花結果！」
來源 source: http://hk.on.cc
|
鍾意就快D Share啦！
|
|
|