【短片】【動畫‧獨家有片】坐泳池邊曬月光？ 岑麗香三點式胸壓男友再返房
2016-08-31 00:02:00 HKT
香香同男友強強喺台灣度假，喺酒店泳池過二人世界。（讀者提供圖片）
香香爬上男友背脊，喺水中騎牛牛。（讀者提供圖片）
又挨喺池邊談心。（讀者提供圖片）
真係零距離（讀者提供圖片）
曬太陽會黑，曬月光就唔會（讀者提供圖片）
上年年底同男友喺將軍澳行街，一啲都冇打算避嫌。
仲喺車廂入面咀嘴。
「香香公主」岑麗香喺舊年10月俾《蘋果》影到佢拖住一個貌似王大陸嘅6呎男，喺將軍澳屋企附近甜蜜拍拖，嗰陣佢哋兩個不避嫌咁十指緊扣，去停車場攞車仲咀完又咀，真係隔住mon都feel到佢哋幾咁火熱！
事後香香都好大方承認戀情，仲話佢哋喺3月已經開始，o依家好開心，希望大家祝福佢。不過香香話男友係圈外人，唔想因為自己嘅工作而令男友有壓力，所以只叫佢做強強。但係事後本報就查到，香香男友叫Joshua，今年31歲，由2011年到o依家，一直喺加拿大一間好出名嘅證券公司任職財務分析，上年仲成為嗰間公司嘅合夥人o添，真係年青有為喇！
佢哋拍拖冇耐就要分隔兩地，但係話晒愛得火熱，幾忙都會爭取時間見面。有讀者透過本報爆相爆片，日前喺台灣嘅W酒店，見到香香同強強喺度旅行度假，話晒喺第二個地方，兼且又冇乜人識，狀態梗係放鬆，好好享受二人世界喇，讀者話嗰晚香香著住一件黑色三點式泳衣，同強強喺泳池游水。
嗰陣香香喺泳池游水嗰陣，見到強強孭住香香游水，讀者仲話見到佢兩個有攬攬錫錫，玩到興起仲騎埋膊馬o添！中途佢哋挨住池邊面對面喺度談心，香香仲坐喺池邊曬月光，唔覺唔覺喺泳池都卿卿我我咗兩個鐘，但係之後有啲情侶又走咗去游水，所以佢哋明顯收歛咗，跟住玩多陣就離開返房！
來源 source: http://hkm.appledaily.com
|
鍾意就快D Share啦！
|
|
|