唔好走呀，花曼……
無綫Hit爆劇集《城寨英雄》踏入倒數階段，劇情愈嚟愈緊湊，而尋晚「花曼/朝霞」（王君馨飾演）之死，更加令唔少劇迷流下心痛嘅眼淚。對於自己角色於劇中死去，唔可以同「段迎風」（袁偉豪飾演）有情人終成眷屬，甚至乎見唔到佢最後一面，王君馨對此都覺得好遺憾，入戲太深嘅佢睇完《城》最新一集之後亦傷心流淚，之後佢親筆寫咗一封「朝霞給迎風的信」，仲Tag埋袁偉豪於社交網站上載全文：「親愛的迎風，多謝你，多謝你係（喺）我生命中出現。你對我的愛護和信任喚醒了我的心。以前我的世界只有黑和白，但你的出現 為我的人生添上了色彩。那支藥油、那對繡花鞋、那壼芽菜湯…這一切你為我貼身準備的禮物 我全都收到。很掛念我們一起練八極拳、踩單車、行沙灘的時光。可惜我們相處的時間實在太少。看見你一個人坐在大牌檔 我個心好痛 好想抱着你 同你講呢一切都會過去，但我做不到。對不起，一萬個對不起！多謝你，一萬個多謝你！
我最後的心願就係希望你同啊（阿）哥可以和平共處，凡事都有商有量 一齊好好守護城寨！做真真正正的城寨英雄！永遠愛你的，朝霞/花曼💋
By the way，王君馨有啲野（嘢）想講：快啲打爆歐瑞偉個頭！*即係砵仔糕老闆* 佢先至係終極Boss！！！如果唔係 貓仔就會死得好慘架快啲叫齊人馬去隊冧佢！
去啦 城寨英雄！！！」
來源 source: http://hk.on.cc
|
鍾意就快D Share啦！
|
|
|