黃芷晴搶晒鏡，湯愛嘉（右上）其實都好靚！
藝人湯鎮業大女湯愛嘉（Isabella）、一對孖仔湯君慈和湯君耀及黃日華女兒黃芷晴出席「瑞士MIDO＃靈感源於建築世界巡迴活動」揭幕禮。黃日華和湯鎮業是當年無綫第一代「五虎」，今日「五虎」的第二代同場行騷，芷晴更谷胸現身，非常搶鏡！
湯愛嘉幕前幕後都想試
而首次行騷的Isabella表示行騷時少少緊張。提到有傳酬勞是五位數金額，Isabella表示：「酬勞合理！（比岑麗香更高？）唔知，但滿意。（細佬多經驗陪你好啲？）安心啲。」問到會繼續接Job？她表示：「啱啱畢業，幕前後都想試，睇興趣。（入娛樂圈？）未決定。（爸爸湯鎮業支持你？）冇要求，冇管制，我做乜都支持。（搵佢搭路？）我需要，佢都會幫。」
大細孖繼續怕醜
大細孖出席活動行騷仍然怕醜，二人表示：「冇乜排練，未夠經驗，要行多啲騷。（怕醜？）都係。（爸爸有冇提點？）話要講多啲嘢，出多啲大場面，對自己要有自信，成日都同自己講。」
提到Isabella月尾生日如何慶祝，問到會否與爸爸慶祝？她表示：「佢好忙，我美國返嚟都未見過佢。」問到孖仔會送甚麼禮物給家姐？二人表示會送錶，Isabella直言送乜都鍾意。
芷晴怕唔夠揮
芷晴表示兒時曾與三人食飯，Isabella透露當時應該13歲。提到大家都是星二代，會否怕比較？Isabella表示不會，而芷晴就表示：「我仲驚啦，佢哋三姊弟，我一個。」提到競爭大？Isabella表示：「自己有自己嘅優勢，唔會比較，星二代每個都有長處。」而芷晴透露爸爸九月初生日，除了買錶外更會請父母到韓國旅行，她說：「佢成日話我自己去，佢想買韓國買西裝登台。」
來源 source: http://hk.on.cc
|
鍾意就快D Share啦！
|
|
|