網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年9月20日 星期二

【動畫】泰國女黑工攻陷全港》尖沙咀淪陷 直擊無證泰妹竇 __,

【動畫】泰國女黑工攻陷全港》尖沙咀淪陷直擊無證泰妹竇咦,點解夜嘛嘛,會有咁多「沙嘩D卡」嘅囡囡,喺尖沙咀嘅茶餐廳吹水嘅?原來,依家好多酒吧都有泰妹陪酒。不過,呢班泰妹全部都係持旅遊證件入境,黑工嚟㗎。根據《壹》仔調查所知,泰妹吧早兩年喺元朗興起,之後逐漸擴散到其他地區,做到成行成市。其中尖沙咀係重災區,起碼有三十幾間泰妹吧。泰妹吧玩得有幾激?《壹》仔去咗山林道一間地舖酒吧了解。一名女經理走過來婉轉 ...




  • 其他影片:>>






  • 【動畫】泰國女黑工攻陷全港》尖沙咀淪陷 直擊無證泰妹竇
  • 咦,點解夜嘛嘛,會有咁多「沙嘩D卡」嘅囡囡,喺尖沙咀嘅茶餐廳吹水嘅?原來,依家好多酒吧都有泰妹陪酒。不過,呢班泰妹全部都係持旅遊證件入境,黑工嚟㗎。

    根據《壹》仔調查所知,泰妹吧早兩年喺元朗興起,之後逐漸擴散到其他地區,做到成行成市。其中尖沙咀係重災區,起碼有三十幾間泰妹吧。

    泰妹吧玩得有幾激?《壹》仔去咗山林道一間地舖酒吧了解。一名女經理走過來婉轉咁話:「我哋呢度有好多泰國女遊客,可以陪你地猜枚飲酒㗎,每隔一陣俾二十蚊 小費就得。」之後仲替《壹》仔兌換咗五百元二十蚊紙幣,放喺一個骰盅內,「她們(泰妹)不會拿走的,放心。如果不放在枱面,她們不會過來坐的。她們不會拿 走的,放心。」《壹》仔見到鄰枱客人,同班泰妹玩得好親密,又攬又錫,酒吧變成夜總會。

    究竟間場有幾多個女遊客呀?《壹》仔問過職員,「二十多個啦。」大約晚上九時,陸續有泰妹到來「上班」。她們佢哋大都濃妝艷抹,衣著性感。而一些衣著普通嘅,也立即在場內換上性感服飾,擺出一副戰鬥格的模樣。當未有客人時,她們都會在卡拉OK等候。

    另外,《壹》仔又去到棉登徑一間大場,呢間亦係出名嘅泰妹場。有熟客話,每逢星期五、六晚,呢度都有超過五十個泰妹旅客駐場,場面好虛冚。來到後只要向職員話要兌換二十元紙幣,職員就會明白意思,帶泰妹過來坐枱。

    《壹》仔喺場內時,的確見到唔少打扮性感的泰妹,有男客人玩到興起,會將手中嘅二十元紙幣,逐張塞入泰妹們胸口位置,十分抵死。據聞每逢旺場時,呢間場嘅老闆會預備定十萬蚊廿蚊紙,換俾客人,真係誇張。

    呢班泰妹黑工越來越多,睇嚟有關方面都要諗吓計,打擊一吓佢哋嘅氣燄。

    撰文:程志康

    攝影:金文 韋平

    鍾意就快D Share啦!