點解明明去英國，但龔嘉欣初初就話去馬拉呢？
楊明、龔嘉欣日前於機場雙雙現身，並謂到馬來西亞登台，當時嘉欣忽然無厘頭向記者表示他們只是登台，更謂：「唔好話我哋度蜜月，唔好亂寫呀！」及後楊明正印女友莊思明被問及此事時還擊，並謂：「我知佢哋出埠！同埋我相信如果楊明去度蜜月，都只係會同我去！」更指不覺得嘉欣此舉是「挑機」。
龔嘉欣發晦氣
不過，事件到今日再有驚人新進展，有指楊明與龔嘉欣根本不是去馬來西亞，而是直飛英國，與高海寧、王浩信等於倫敦出席宣傳活動。由於事情發展實在太「出人意表」，記者聯絡上嘉欣問及此事時，她解釋是去完馬來西亞再去英國；不過另邊廂的楊明卻回應記者謂：「我都唔知，嗰日都愕咗然，唔知點解佢會講話去馬拉！我哋係去英國幫TVB宣傳。」記者之後再追問嘉欣，她即無奈謂：「唔回應嘞，公司鬧呀！是但我已身經百戰，我又冇做啲乜，做嘢啫！」
莊思明欲淡化事件
而對男友行蹤瞭如指掌嘅莊思明，談到相關「離奇」事件則表示：「其實由頭到尾我都知楊明飛英國，好早講咗，我唔知嘉欣有同記者講話去馬拉！不過我覺得無特別嘅，做嘢啫！小事小事。」
來源 source: http://hk.on.cc
|
鍾意就快D Share啦！
|
|
|