大台近年「姦」出人氣，係姦唔係奸。好似之前《巨輪II》有獸父吳岱融想姦養女陳凱琳、《致命復活》又有一秒輪姦陳庭欣，原來被「雪藏」3年嘅《巾幗梟雄III之諜血長天》亦有唔少重口味場面，當中杏兒最慘慘豬，有幾集都要大露玉背，仲要次次都係床上戲/被姦戲，超出晒電視尺度。學劇評界KOL「620」話齋，《巾幗III》咁多場強姦戲，係「花盡心思人力物力去拍」，就「連張枱會搖」同「推進」都拍埋，但係唔好意思，喺myTV SUPER有，喺翡翠台，得一秒，sorry係一秒都唔夠。而呢個一秒都唔夠嘅輪姦女主角，毫無疑問，係胡杏兒。黎耀祥同胡杏兒主演嘅《巾幗III》去到第二集已經大灑鹽花，故事背景講三十年代末日軍侵華，一批清朝皇帝遺留的四十噸黃金惹起爭奪，由游擊隊隊長江尚紅(黎耀祥)同間諜張寄生(胡杏兒)喺廣州發生嘅情愛故事，當中有唔少侵華情節。前日播出第二集講張寄生同周細雞(蕭正楠)自細青梅竹馬，點知日軍去到佢哋條村，蕭正楠帶胡杏兒一家三口逃走，中途遇到一個日軍，杏兒險被姦，細雞為救杏兒殺咗個日軍。有網民就認得扮日軍呢個人就係《三五成群》中演神仙B嘅蔡堅成，佢句對白「俊，邊X度俊？」成為網民熱門用嘅cap圖角色，令人印象深刻。再講番劇情先，之後一隊日軍路過聽到槍聲，就追捕杏兒一家三口，點知日軍殺咗杏兒阿爸同細佬，杏兒都係走唔甩，打暈咗佢再捉入屋姦污。咁大台播出嘅版本……杏兒半裸被姦場面就冇播出街，但網上早已流傳出完整版，杏兒同演日軍嘅黃子恆呢場肉搏戲足足25秒，包括黃子恆係咁捽杏兒玉背，從後推進……昏迷嘅杏兒醒番，企圖反抗，最終不敵，慘遭凌辱。呢個咁慘不忍睹嘅版本，喺大台當然cut晒啦，最終只係見黃子恆落樓梯，同杏兒露香肩，彈起身開槍射殺黃子恆。噚晚仲有兩個幾好笑嘅場面……其實場口係好悲情。包括黎耀祥望住心上人淑君(楊卓娜)張相時，憶起當日女方遭日軍挾持、自己要親手炸死佢嘅場面——當時楊卓娜臨死前只有一個要求，就係：「咁多年以嚟，你都未同我講過你愛我！其實我心裡面只係想你講一聲你愛我！尚紅！雖然我哋兩個未成親，但我心入面，我呢一世都係你嘅人！我只係希望你同我講一聲你愛我！就算我依家死我都唔會後悔0架！唔好喊呀!喺我心入面，你係我嘅英雄！係所有人嘅英雄！你發射唔好理我，你救唔到我0架喇！你再唔發射，其他人都要犧牲0架喇！如果你真係愛我，你發射！你發射」然後黎耀祥痛苦萬分地講「我永遠都愛你！」，向楊卓娜發射火箭炮……即係咁，監製李添勝同楊卓娜都知道你班網民蠱惑0架喇，所以楊每句對白都係加個「發」字喺「射」字前面，但網民自動自覺篩走個「發」字……嗯另一場重口味係，黎耀祥被炸傷致內出血，仲發高燒，杏兒二話不說，「含水導入他口中」——睇字面已經好有畫面，係咪？
|
鍾意就快D Share啦！
|
|
|