36歲嘅蔡依林（Jolin）驚傳同細佢4年嘅混血男星錦榮6年情斷，台灣《蘋果》獨家消息稱兩人於上月分手，而喺呢段時間，Jolin一啲跡象都冇，仲去埋英國進修整蛋糕技術，拎埋獎。完全唔似有事。如今Jolin身在上海開工，聖誕同跨年都有演出，錦榮就未現身。今次分手，係雙方討論後做出分手決定，過程相當平和。依家兩個做番朋友，分手後仲約食飯。大家唔需要為Jolin擔心。其實兩人拍拖以來，感情一直不被看好，錦榮都話阿媽曾催婚，但就因為財產問題，令件事kick住咗。早前就有報道指，外傳Jolin身家超過20億新台幣，女強男弱情況下，要蔡爸蔡媽點頭答應夫妻財產共有，難過登天。傳就係咁傳啦。雖然外間唔睇好佢哋，但Jolin同錦榮依然愛得甜蜜，且越來越公開，更屢被問婚期。五年前，錦榮曾經講過：「我就是不想被問，那時候就故意選好幾年後的一個數字，如果35(歲)，我還有很多時間。」但問題係，Jolin唔係好似佢咁，「還有很多時間」……錦榮本月中，即與Jolin分手後，曾表示Jolin係同佢拍拖年份最長嘅女友，錦榮話自己為人冷靜、「永遠不吵架」，如果同唔發脾氣嘅人相處，就唔容易「發生大事」，所以同Jolin和平分手，可信性極高。
來源 source: http://s.nextmedia.com
|
鍾意就快D Share啦！
|
|
|