無綫藝人傅嘉莉（Kelly）、前港姐冠軍張舒雅、皮草太子爺王大業（Andy）、著名形象指導郭慶彬、從事鐘錶業的高偉國等出席灣仔區酒吧DJIBOUTII兩周年「Go Bananas！」慶祝派對，現場布置以香蕉為主題，呼應酒吧猩猩的icon，除了職員穿上香蕉圖案服裝，又有人扮的人形香蕉以及猩猩，與穿上黃色服飾的賓客打成一片，大家都爭相拿起猩猩面具與「香蕉」自拍，即時分享到社交平台。期間有非洲鼓表演及切蛋糕時菲律賓歌手Gil Ravago唱歌助慶，而幾位香蕉人亦大跳勁舞，載歌載舞掀起全場氣氛。
自認容易飲醉
其中Kelly為支持好友前來慶祝活動，提起飲酒，Kelly自爆人生第一次飲醉是在模特兒公司得大獎冠軍，但得獎條件是要飲一杯紅酒，她說：「喺台上好多人望住我，我冇可能唔飲。我飲咗半杯，好快就醉咗，我就知我唔係好飲得，但係happy！想開始慢慢pick up（飲酒），人大咗可能壓力大，有時飲吓酒可以relax。」她又謂曾經有位前輩叫她試飲酒後看劇本，有另一番感覺。她表示稍後遇上一些需要感情強烈的戲份，會打算將來一試。
爆媽咪勁冧杜如風
提起聖誕節，Kelly透露與媽咪去日本旅行，只因為杜如風，她說：「因為媽咪好鍾意杜如風，今次就完成佢嘅杜如風夢想，進行東京攻略。」她更大讚日本男仔好細心，好怕羞，又自言喜歡型男竹野內豐及金城武。Kelly還透露1月有份演出的兩部無綫劇將播出，分別是《財神駕到》及《乘勝狙擊》，她說：「每次都好似派成績表，好期待又緊張！兩套角色同時代都唔同，而且嗰陣時係長頭髮，希望大家睇到不一樣嘅我。」
最愛香蕉特飲
另外，Kelly透露平時都會同女性朋友到特別的餐廳及酒吧飲嘢傾偈，今次Kelly為撐好友出席慶祝派對，開心見到香蕉做主題,十分有趣，更試了好好味的香蕉特飲，大讚女士一定會好鍾意。
張舒雅首個「BB」將出世
而張舒雅則表示常常到此酒吧飲酒傾偈，並大讚派對的香蕉主題夠特別，平時酒量不差的她坦言未試過飲醉及失儀。提到2017年的展望，她透露與妹妹一同合作設計的婚嫁珠寶系列即將面世，是二人第一個BB，她說：「呢條婚嫁珠寶系列係特登開，我同妹妹一齊搞。我平時都有幫屋企人手，妹妹就算叫第一次，所以呢條line係我同佢第一個BB，已經籌備半年，希望成功。（自己做埋生招牌？）可以試吓，好多嘢都仲諗緊。」至於感情生活，她笑言希望記者下次再問就有好消息宣布。
|
鍾意就快D Share啦！
|
|
|