去年6月同潘源良第四度分手之後，李麗珍每個月冇咗十萬生活費，所以佢由貝沙灣搬咗去深井碧堤半島。最近更決定離開香港，去加拿大黐個女許倚榕一齊住，對香港再冇留戀。
上星期四（12日），肥咗一個碼嘅李麗珍，拎住兩個大喼飛去加拿大，佢話：「去陪阿女讀書囉！」至於幾時返港，佢答：「佢返嚟我咪返嚟囉，好多假期嘛！」
其實李麗珍當年拍露點寫真同三套三級片，係為搵錢安排家人移民加拿大，而家個女喺嗰邊，有個照應。
之前黎耀祥老婆兼珍妹舊同學Julia，知道佢要慳錢，用超低價租深井碧堤半島俾佢。但加拿大同香港兩頭家加埋，使費好甘，佢覺得不如同個女一齊生活。反正甩拖之後，佢心情一直麻麻，朋友又陪唔到咁多，所以順勢搬去當地。
近年李麗珍過半退休生活，加上佢又咁揀嘢做，如果要返香港做嘢，都好方便啫。
來源 source: http://s.nextmedia.com
|
鍾意就快D Share啦！
|
|
|