陳敏之生完仔仔後，迎來人生高「峰」。
藝人陳敏之接受電台訪問，剛榮升媽媽的敏之自爆上圍升了一Cup，她說：「Size仲大咗添，算係人生最高峰。」隨即自爆昨晚餵完奶入廁所對住沖涼中的老公跳開心舞，她說：「餵完奶好舒服，之後入洗手間打開浴袍畀老公睇同跳開心舞，我同佢講我幾靚，之後佢話我自我感覺良好，我真係未試過彈彈吓。（老公好鍾意？）邊有時間睇，只有仔仔享用，老公冇呢個福利。（老公有定力？）佢只係喺到笑，我咁多年嚟冇呢個效果，希望可以一直Keep住。」
陳敏之透露已換所有胸圍，不停自讚好身材的她被問到會否穿三點式留倩影？陳敏之說：「忙到冇時間，或者自己影。」並透露老公不敢飲其人奶，所以自己有試過，更封仔仔是她一號愛人，陳敏之說：「依家乜都以佢為先，成日會聞佢。（緊張媽？）係好緊張，要每次返去都要洗手換衫先抱佢，不過未報學校，反而對呢方面好輕鬆。」
來源 source: http://hk.on.cc
|
鍾意就快D Share啦！
|
|
|