2017年2月26日 星期日

祥嫂靈堂哭訴:兆尊晒命為返娛樂圈 __,兆尊,鄧兆尊,

祥嫂講到兆尊(紅圈)即邊講邊落淚。「祥嫂」洪金梅撐著柺杖在契仔契女陪同下現身魯芬靈堂,問到最後一次與魯芬的見面情況?祥嫂說:「年底喺元朗撞到,當時佢身體睇落唔錯,平時元朗街市都會見到佢。」撐柺杖現身的她問到身體如何?她說:「頂得順,今次係魯芬最後一次,一定要嚟。」求畀面祥哥祥嫂被問到鄧兆尊早前接受訪問大談身邊三位紅顏知己之事時,祥嫂聞言即時眼紅紅,更邊講邊落淚,更顯得步履不穩,表示要冷靜一下:「畀 ...


祥嫂講到兆尊(紅圈)即邊講邊落淚。

「祥嫂」洪金梅撐著柺杖在契仔契女陪同下現身魯芬靈堂,問到最後一次與魯芬的見面情況?祥嫂說:「年底喺元朗撞到,當時佢身體睇落唔錯,平時元朗街市都會見到佢。」撐柺杖現身的她問到身體如何?她說:「頂得順,今次係魯芬最後一次,一定要嚟。」

求畀面祥哥

祥嫂被問到鄧兆尊早前接受訪問大談身邊三位紅顏知己之事時,祥嫂聞言即時眼紅紅,更邊講邊落淚,更顯得步履不穩,表示要冷靜一下:「畀我組織下先,咁同你哋(指記者)有個交代,覺得你哋要憐憫吓我。」祥嫂整理思緒後說:「呢件係好事,個仔都人見人愛,始終係新馬師曾個仔,手頭上有4個、6個都好應該,後生仔嚟㗎嘛,我講得得唔得體呀?唔好再笑佢同挖苦佢,畀返啲面祥哥(新馬師曾),其實我都好掛住,鄧兆尊有3個咁多,唔好再令佢煩惱,要煩就煩我好啦。」

有幾個女人都支持

祥嫂突然聲淚俱下激動地說:「兆尊今日出嚟承認,佢係有苦衷,佢想入番娛樂圈呀,唔知係邊個蠶蟲師爺度條咁嘅橋,叫佢一拖一、一拖三咁出嚟,咁樣搞,唔好咁啦兆尊,啲男仔睇到你亦都會話你晒命。」

祥嫂接着說:「仔,呢個係身體健康嘅象徵,最緊要唔好畀啲女人囉囉唆唆!唔怕,你有幾多個,媽咪都繼續支持,最緊要你應付得嚟!仔,你唔好怕,你返出嚟(娛樂圈)」

「仔女冇爭過產」

祥嫂停一停說:「我要講得好得體,亦都要講事實。佢呢個係一個方法嚟,想返娛樂圈......留一點情畀新馬仔,佢做咁多好事,幫盡咁多人,亦都等如幫我祥嫂。」祥嫂突然又激動搞高聲調:「我講嘅嘢依家覺得好得體,但係事實嚟,希望留返啲面畀祥哥,亦都當係幫助吓我囉!我啲仔從來冇爭過產,唔曳嘅,係我一個人衰,我一個人唔啱!該死嘅唔死,(指向靈堂)後生嘅死咗!生命好脆弱,自己都唔及當年,唔好為我難過,呢樣嘢我19年來冇講過,係為咗顧全大局,依家先講返!」話畢,祥嫂由契仔契女陪同下回到靈堂。

事後,東網聯絡上鄧兆尊,他表示身在大陸暫不回應。


來源 source: http://hk.on.cc
鍾意就快D Share啦!
Related Posts Plugin for WordPress, Blogger...