2017年2月26日 星期日

天寒地凍 發表妙論 黎明講垃圾送暖 __,黎明,

Leon戴上頭盔化身「明福俠」送驚喜。
天寒地凍發表妙論黎明講垃圾送暖天王黎明(Leon)前晚於中環海濱舉行演唱會,雖然當晚天氣寒冷,但「金句王」Leon用一番「垃圾論」講鄰里關係,呼籲大家要互愛,令全場warm爆,天氣冷但人情不冷!尾聲時Leon化身「明福俠」送驚喜,又自爆真金白銀買了音樂節另外兩場的門票邀歌迷睇騷,夠晒親民!Leon戴上頭盔化身「明福俠」送驚喜。天王黎明(Leon)前晚於中環海濱摩天輪旁,為一連三日的Dragonla ...


天寒地凍 發表妙論 黎明講垃圾送暖

天王黎明(Leon)前晚於中環海濱舉行演唱會,雖然當晚天氣寒冷,但「金句王」Leon用一番「垃圾論」講鄰里關係,呼籲大家要互愛,令全場warm爆,天氣冷但人情不冷!尾聲時Leon化身「明福俠」送驚喜,又自爆真金白銀買了音樂節另外兩場的門票邀歌迷睇騷,夠晒親民!

天王黎明(Leon)前晚於中環海濱摩天輪旁,為一連三日的Dragonland Music Festival打頭陣演出,舉行一場《黎明 Leon's Penguins in Live 2017》演唱會,跟大家玩「One Night Stand」。雖然天氣寒冷,但Leon發揮「金句王」本色,一番「垃圾論」令全場warm爆!

嘆鄰里關係冷漠

唱到《Ba Ba》時,Leon向觀眾大派限量版粉紅色企鵝公仔,台下觀眾表現興奮,其後又用「垃圾論」呼籲大家要互愛:「你哋有幾耐冇扔垃圾?我有做到,但我發現依家扔垃圾同以前好唔同,唔關錢事,係關情懷事。」他指有次去朋友家,朋友想開門倒垃圾之際,卻又很快關上門:「佢話等鄰居閂咗門先倒,因為費事同佢打招呼。」他續發現現時社會不會跟鄰居打招呼:「但以前我哋見到隔籬鄰舍或婆婆都會講聲hi,但依家連hi、笑一笑都冇埋,但唔緊要嘅,倒垃圾見到隔籬咪say個hi,如果佢唔睬你,你心裏可以有自己方法處理,『妖』或更嚴重都可以自己取決,但梗係唔好講出嚟,費事有拗撬。但如果佢好好,你就可以多咗個幫手,希望有一個溫暖嘅社區,大家互相愛護大家多啲。」

Leon在encore環節,更頭戴紅色頭盔化身「明福俠」出場獻唱《我唔係死蠢》,並衷心多謝歌迷:「今次買飛就似買彩票咁,如果落雨、大風嘅話,大家都有風險。」又自爆出錢請歌迷睇騷:「你哋今晚(前晚)返去check吓email,睇吓有冇收到邀請,聽晚(昨晚)呢度有DJ,後晚(今晚)有外國歌手嚟表演,我會邀請在座一啲朋友同我參加,我都會嚟一齊做觀眾。啲飛我真金白銀買嚟送畀你哋,但要對得住我,唔好攞啲飛去賣。你哋係我朋友,咁多年去到邊都支持我,所以呢個心意大家唔使客氣。」Leon其後走回主舞台時不慎在台邊跣腳,幸好他反應快立即企穩,個唱約在10時18分完場。

事後有歌迷在Leon的社交網站留言,指C1區被高台阻擋視線,大部分時間都不能欣賞演出,對此大會昨日回覆本報時先向觀眾致歉,指高台是Panel位置,非歌迷所指的貴賓席,亦不涉及「僭建」之嫌。大會亦已跟工程人員開會,把該大帳篷拆走。而Leon所屬公司Amusic的發言人王凱文亦謂:「之前為咗效果,某啲角度可能會有影響,今次從善如流,作出改善,所以問題不大。」

Leon大唱快歌,令全場氣氛high爆。
  • Leon大唱快歌,令全場氣氛high爆。
Leon向觀眾大派限量版企鵝公仔。
  • Leon向觀眾大派限量版企鵝公仔。

請歌迷免費睇騷

而Leon昨日亦履行承諾入場睇騷,由保安護送的他面帶微笑,又親民地停下與粉絲合照,不過後來因愈來愈多粉絲包圍及大叫Leon,他逗留約3分鐘便上車離開。同場更有歌手王灝兒(JW)及關楚耀。

Leon不慎在台邊跣腳仆倒。
  • Leon不慎在台邊跣腳仆倒。
  • 放大圖片

文:音樂組

攝:鄭家俊、黎志輝


鍾意就快D Share啦!
Related Posts Plugin for WordPress, Blogger...