今年52歲嘅吳啟華，喺07年同細佢21年嘅長春姑娘石洋子結婚，之後生咗囡囡吳熙兒，不過呢段婚姻敵唔過7年之癢， 經過雙方嘅努力，最終離婚收場。畢竟大家都愛過一場，就算做唔成夫妻，加上又有囡囡，所以佢哋仍然保持良好關係，共同撫養女兒，仲經常一家三口同埋婆婆齊齊旅行添！雖然吳啟華否認會同石洋子復合，但就話過：「洋子永遠都係我屋企人，佢係我個囡嘅媽咪，只係一種家人感覺囉，唔係嗰啲男女關係。」(新聞連結：http://bit.ly/2ltv8Ks)0依家好享受單身生活嘅吳啟華，一有時間就會陪下乖女，仲幫阿女開咗個微博「開心的冬妮」，分享下生活照。《蘋果》日前喺又一城見到吳啟華同一個女子態度親䁥咁行街街，不過唔好誤會有新戀情，事關呢個係吳啟華前世情人、即係佢個囡囡吳熙兒。唔經唔覺，囡囡熙兒今年已經8歲，但係已經好有少女feel，同媽咪仲同一個餅印0添！嗰日吳啟華同熙兒搭自動扶手電梯，熙兒突然間好肉緊咁攬住爹哋，吳啟華亦表現得好受落，之後吳啟華仲扮吓鬼臉0氹囡囡開心！之後熙兒喺扶手電梯整咗個類似金雞獨立嘅姿勢，不過吳啟華好緊張同囡囡講嘢，似乎叫佢唔可以做呢啲動作，之後熙兒又挨住爹哋，話咁快邊行邊傾咁上到頂樓，轉個頭見到佢哋喺玩具反斗城行出嚟，熙兒攬住盒LEGO，吳啟華就搭住囡囡膊頭，坐番自動扶手樓梯去停車場攞車走人，幾時都話前世情人真係所有爹哋啲死穴，只要呢個情人喺身邊，做爹哋飲杯水都覺得好甜！事後吳啟華接受《蘋果》電話訪問表示：「囡囡一直喺東北讀國際學校，早排因為佢放假，我哋帶咗佢去澳洲玩，喺澳洲返嚟香港留咗幾日，陪佢去行街，買啲嘢畀佢，一般0依家都係佢放假，我先有時間陪到佢，因為我又忙啦，所以佢放假時，我會盡量同導演講，度啲時間陪佢玩。」問到係咪同前妻帶囡囡去澳洲玩？啟華坦白話：「係呀，仲有外婆，其實0依家都幾好，一家人幾融洽相處，冇乜嘢。」雖然啟華同前妻石洋子離咗婚，但難得可以保持友好關係，好似上年兩人約埋去日本旅行，就傳出復合消息，不過啟華就堅稱只當前妻係家人，冇咗戀愛感覺。
| （採訪、攝影：孔志豪） | | |
| | | |
| | | |
| |
|
鍾意就快D Share啦！
|
|
|
