網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年3月15日 星期三

【有請關公】香港航空微博還原事件 猷君道歉:不該使用你們的服務 __,猷君,

賭王何鴻燊四房公子何猷君噚晚經歷「浦東機場留宿」,只為陪朋友搵遺漏喺航艙嘅護照,可惜因航空公司嘅應對問題,引發猷君喺微博爆seed(新聞連結:http ...


賭王何鴻燊四房公子何猷君噚晚經歷「浦東機場留宿」,只為陪朋友搵遺漏喺航艙嘅護照,可惜因航空公司嘅應對問題,引發猷君喺微博爆seed(新聞連結: http://bit.ly/2nnX0hP ),囝囝貼地冇用特權,四太梁安琪雖無明言,但都有隔空撐囝囝(新聞連結: http://bit.ly/2mn3trJ ),網民更幾乎一面倒企猷君嗰邊……喺香港航空個官方微博上,今日發表咗約700字回覆,聲稱「還原事件」,撰文者以「本少」自居,佢先係「向客人道歉」,暗示客人好脾氣冇反枱,但就話無論件事發生喺邊個身上,「都覺得憋屈」喎!「本少」又話,當客人(指猷君)喺噚晚11點幾落機,去到邊檢先發現朋友唔見護照,航空公司即刻聯絡喺機上嘅清潔人員,話當時冇人搵到本護照,「本少」話奇怪,難道不翼而飛。「本少」話因為機位(應指飛機泊位)問題,航空公司工作人員唔可以自行登機搵,所以噚晚乜都做唔到,只可以等第二天(即今日)等機務協助安排車輛。最後工作人員喺60E座位前方嘅seat pocket中一本雜誌見到夾咗本美國護照,「本少」話:「淚目!藏的(得)這麼深,本少的同事去玩密室逃脫應該可以百試百通關了。」「本少」強調同事由噚晚11點幾到翌日上午7點半送番護照畀客人,都唔知客人「身份」,暗示唔知猷君係何家公子。「本少」仲話無論對方係邊個,「讓客人在機場那麼焦急無助地等了很久,都不是本少的作風」。睇落好似好正常咁還原事件,但睇文真係要睇晒一整篇……「本少」喺文尾「溫馨提示」,叫客人出門要特別小心,「不要再把護照夾在雜誌裡」,然後又順便宣傳自己公司有個新尋找失物app,叫客人下次可以login搵失物。網民對於香港航空喺官方微博回應似乎唔太受落,就算係佢啲同鄉,都對博主「本少」呢個稱呼唔太滿意;再者就係「本少」嘅回應語氣,其中有網民一針見血咁提到:「在一個服務行業面對輿情的時候,還用調侃的語氣,尤其是面對一個把護照塞到雜誌裡面的賭王四房兒子自稱『本少』來回應,很不妥。(飛機在遠機位,候機樓的地勤沒有相應場內證件是沒法到飛機上的)」雖然有網民cap圖指香港航空一直以「本少」作撰文者稱呼,但喺呢個case就……反對多過贊成嘅聲音。對於香港航空嘅回應,猷君都有喺微博回覆對方:「真的很遺憾。有如此的強勢回應,對乘客的遭遇又怎麼可能走心?對於別人的不幸,還可以有這樣的工夫去調侃,也難怪會有夜宿機場等一夜這樣的效率。講真,認不認識何猷君不重要,無差別的服務乘客,比什麼都重要。香港航空做事做人的態度,了然於紙上。無需道歉,我向你們道歉。不該使用你們的服務。」《蘋果》曾就事件聯絡香港航空,今晚約7點左右獲香港航空企業傳訊部回覆如下:「感謝 貴報查詢,香港航空對本次事件為相關乘客帶來不便深表遺憾,本公司對於有需要的乘客已提供盡可能的協助。香港航空珍視每一位乘客的意見和建議,以期不斷優化服務質素。」

香港航空回覆全文(微博圖片) 個微博真係香港航空官方(微博圖片) 猷君回覆(微博圖片)
網民咁樣睇(微博圖片) 有網民話香港航空個回覆好扣分(微博圖片) (微博圖片)
(微博圖片) (微博圖片) (微博圖片)
(微博圖片) (微博圖片) (微博圖片)
(微博圖片) (微博圖片) (微博圖片)
(微博圖片) 另有網民話香港航空個微博撰文,不嬲都係以「本少」自稱,非今次刻意。(微博圖片)

來源 source: http://s.nextmedia.com
鍾意就快D Share啦!