網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年3月15日 星期三

【獨家】香港女首富夠貼地 甘比樂園推公仔冇難度 __,港女,甘比,

香港富豪大劉劉鑾雄,舊年年底同拍拖14年嘅甘比(陳凱韻)結婚後,隨即展開分產大行動。首先將100億Cash分俾大仔劉鳴煒同甘比,早前又將市值180億嘅 ...


香港富豪大劉劉鑾雄,舊年年底同拍拖14年嘅甘比(陳凱韻)結婚後,隨即展開分產大行動。首先將100億Cash分俾大仔劉鳴煒同甘比,早前又將市值180億嘅The ONE商場送俾老婆甘比。(新聞連結:http://bit.ly/2nzsPDC )月初嘅華置股權重組行動中,甘比地位再升一級,以兩個仔女秀樺同仲學嘅信託人身份,持有954,275,768股華置股份(佔公司股本50.02%),市值約113億港元,成為華置最大股東。加埋歷年大劉贈送嘅物業同債券等財富,甘比身家水漲船高至540億港元,順利登上香港女首富之位。(新聞連結:http://bit.ly/2mHHajG )以往甘比出現,好多時都係同大劉行孖咇,現身飯堂福臨門或半島酒店,而更多時候,甘比就會陪大劉到養和醫院覆診。之不過,人始終會有自己嘅私人時間,咁,究竟香港女首富嘅日常生活做啲乜?答案係──去冒險樂園推公仔。有讀者周小姐透過《蘋果》嘅「爆相爆片」,喺噚日下晝約兩點,見到甘比現身銅鑼灣皇室堡位於2樓嘅冒險樂園。相中所見,甘比着上一身低調黑色褸同褲,頭上紥髻冇乜化妝。而陪同喺佢身邊,就只得一個外籍保鑣。周小姐表示:「見到甘比主力玩門口嗰部推膠公仔機,佢都唱咗好多錢,冇停過咁入代幣。玩咗20分鐘,見佢已經好多收穫,有成10幾粒大小膠公仔擺設,至於拎住環保袋嘅保鑣,就一直企喺甘比身後Standby,等佢推完就放啲公仔入環保袋。雖然甘比推咗好多公仔,不過見佢全程冇乜表情,唔係好雀躍咁,亦都唔見一對仔女喺身邊。」照時間推斷,估計甘比一對仔女秀樺同仲學當時仲返緊學,所以甘比就選擇喺學校附近嘅皇室堡,打發時間等接放學。 《蘋果》第十二屆金話梅電影選舉(Golden Plum)又嚟喇!由今日起,請在以下網址(http://campaign.appledaily.com/goldenplum2017)投票,選出心目中的爛片之霸,截止日期係4月6日,賽果將於香港電影金像獎舉行前夕(4月8日)揭曉。

(圖片由讀者周小姐提供) 甘比推公仔時,全神貫注。(圖片由讀者周小姐提供) 讀者周小姐話見到甘比唱咗成手代幣,最終成功推到超過10個公仔。(圖片由讀者周小姐提供)
甘比就係鍾情呢部推公仔機,機內放滿五顏六色嘅膠公仔擺設。(圖片由讀者周小姐提供) 甘比同大劉同樣疼錫一對仔女,舊年出席倒數派對,大劉仲同甘比、囡囡戴上鬼馬眼鏡。(資料圖片) 平時甘比就會陪大劉到養和醫院覆診。(資料圖片)
甘比噚日估計係等一對仔女放學,所以喺學校附近打發時間。(資料圖片)

來源 source: http://s.nextmedia.com
鍾意就快D Share啦!