冇Fans撐，就唔會有今日嘅鄭俊弘！
歌手鄭俊弘（Fred）早前與女友何雁詩多番否認緋聞，最終拖手認戀情，成為城中話題。Fred於事件後首度出席公開活動，與前港姐麥明詩齊齊現身銅鑼灣，吸引近百支持者圍觀。
感謝fFans支持
擔任表演嘉賓的Fred上台獻唱，在台上講到粉絲到場支持，他感觸說：「最近發生好多事、好多嘢，喺我唔開心、失落時候有你哋，你哋對我嘅支持拉番起我，喺我唔夠勇氣嘅時侯出嚟保護我，我哋要團結，一齊渡過，I LOVE YOU ALL！」語畢Fred再唱一首歌，並再度感謝粉絲說：「I LOVE YOU GUYS！I LOVE YOU！」
同何雁詩決定認愛
Fred接受訪問，問獲支持會否感動到喊？他說：「好感動，特別係今日咁多粉絲支持，聽我唱歌、鼓勵我，令我感受到愛同團結。（拖手事件後，老闆何哲圖有問番你哋？）有傾過偈，呢一個係我哋做嘅決定，唔想佢擔心，佢都支持我，依家就想同公司一齊去配合。（老闆有嬲？）冇，絕對冇，老闆係支持嘅，做呢個決定反而佢仲安慰我！（點解要講大話？）初初係想保護呢段感情，加上後來公開咗，唔想阿詩一個人喺機場承受咁多壓力。（係機場出嚟三個鐘前先做決定？）係一齊傾同一齊決定。（擔心星夢同TVB雪藏？）有考慮過嘅，呢一段時見到阿詩對我嘅支持同信任，覺得大家要一齊渡過，依家喺工作重新再投入番唱歌同埋拍戲，大家要留意今晚《與諜同謀》大結局！（擔心啲新聞拖低收視？）冇諗過，我自己今晚都會睇。（公司有照肺？）同TVB、星夢都有傾，冇照肺，公司都畀我哋好大嘅支持，公司唔淨止係同事，仲好似一家人咁。」
來源 source: http://hk.on.cc
|
鍾意就快D Share啦！
|
|
|