對於舊愛姜麗文同哥哥姜文杰近日喺網上留言，仲唔點名鬧爆「狗男女」。鄭俊弘(Fred)今日現身活動時坦言有留意，但唔想多講，佢話﹕「有見呢個報道，呢啲控制不到，人有言論自由，唔諗太多，唔會回覆。」有傳鄭俊弘同姜麗文暗交6年，男方紅咗先飛甩姜麗文，被問有冇負過姜麗文？鄭俊弘好似唔係好明咩叫「負」，在場記者就解釋係「負心」、「有負於人」個「負」，鄭俊弘聞言即係話﹕「呢個冇。(紅咗先飛人？)呢個一定唔係。」對於被網民封「世紀賤男」，鄭俊弘都覺得個名唔係咁好聽，佢話﹕「大家對每件事睇法有自己觀點，控制唔到，最重要自己樂觀、堅強啲面對。」問到點解要講大話，佢又有解釋﹕「當初想保護呢段感情，所以選擇唔公開，但我又唔想阿詩一個人去承擔去面對，當日喺機場面對嘅壓力，所以我都決定同佢一齊出嚟澄清，畀啲支持佢。(送機前3小時先決定？)大家決定需要咁做，佢承受壓力都唔大……唔係，係唔少。」問到驚唔驚畀被公司雪藏？佢話﹕「er，都有考慮所有問題，但我覺得呢段期間阿詩對我嘅支持同埋配合，我相信我都要企出嚟一齊度過。工作上嗰啲嘢，希望可以盡快投入番，做番好自己嘅音樂，演番好嘅戲。」
| 鄭俊弘否認負過姜麗文。(攝影﹕陳順禎) | | |
| | | |
來源 source: http://s.nextmedia.com
|
鍾意就快D Share啦！
|
|
|