做人冇公關，下一句要由黃子華代答。何雁詩以第三者身份介入……雖然佢同鄭俊弘噚日拖手認愛時，堅稱兩段感情係冇重疊，但，人哋係真係有個拍拖三年嘅女友(之前個版本係接受咗求婚嘅未婚妻)喎！依家好勝Stephanie突然殺出，背負第三者之名，鄭俊弘就變身賤男，形象大插水，仲呃埋無綫，呢舖真係玩大鳥。但又估唔到，今次，竟然係益咗麥明詩！係有錢女又去外國讀過書嘅麥明詩都俾鄭俊弘追過？唔係。只係噚晚麥明詩喺社交網出咗個po，表面上係話俾大家聽佢聽日同鄭俊弘出活動，實質上又係抽水兼宣傳，一句「TVB首席男歌手」，抽水抽到出血。麥明詩出得呢個Po，肯肯定預咗網民點俾反應0架啦，就連路過嗌佢加油嘅胡鴻鈞都俾十優生食番轉頭問：「定係你係首席？」麥明詩都有喺fb出同一個po，又輕輕力玩咗一條妙問妙答。其實鄭生前未婚妻點解會知鄭俊弘暗交何雁詩呢？因為Uber。易過check IP。扒晒文嘅麥明詩，當然都知Uber事件，所以當有網民問佢：「恭喜你呀，要call Uber嗎？」麥明詩就答：「我搭地鐵都ok嘅。」有人即衝出嚟：「我免費車女神得唔得？」節錄埋其他留言（再講多次，呢個係fb留言）：
「換林作都好睇過牙flirt」
「既有明詩，亦要雁詩。」
「你sure 佢會出現？」
「支持你，鄭生出場一定好多觀眾去廁所。」
「曲到爆，抵我哋網民越來越愛你」
「水唔係咁抽呂嘅，之前林作單嘢你自己都唔好受啦。」
「到時唔好著高踭鞋喎，免得人要君子地扶你出入，怕你唔小心就唔好啦。」
「小心啲囉，唔好同佢有眼神接觸」
「何雁詩係咪會嚟？」
「我支持妳，但唔支持個男的」
「到時會唔會拖手？」至於另一個詩——何雁詩，戀愛大過天，之前已被傳搶人男友，依家……嗯，但佢就表明行得正企得正，清者自清，所以keep住在ig出圖。噚晚同鄭生分開飛去浙江開工之後，於ig貼moody相寫道：「呢鑊真係⋯愛需要勇氣。 #呢個時候唔係唔自己搞下爛gag自娛一下」袁偉豪、張繼聰等都有俾like，夾埋成11,513個(截至今早11時)。But……負皮都好多……例如…「他朝君體也相同」。又例如：#戒煙比愛更需要勇氣同恆心係囉，戒煙
|
鍾意就快D Share啦！
|
|
|