咁鄭俊弘咪成日要拖住唔同嘅人？
歌手鄭俊弘（Fred）與何雁詩昨日又再度被爆拖手兼睇樓，今日兩人嘅唱片公司高層何哲圖（Herman）現身音樂劇《風雲5D音樂劇》拜神儀式，被問到此事時，他表示看到照片見到當時環境好漆黑：「根本佢哋去村屋、去邊度都好，當時個環境睇落去係漆黑嘅，咁鬼仔鬼妹拖住驚隔離嗰個跌親都唔出奇。咁我覺得佢哋係鬼妹鬼仔嘅朋友相處方式，係唔出奇，會去食嘢、會出去完全唔出奇，但個情況就係佢哋兩個相處喺我哋見咁耐，絕對係鬼仔鬼妹講英文嘅朋友關係去相處。（會唔會佢兩個都瞞着你？）應該唔會啦。（你信佢哋冇拍拖？）信嘅，因為我旗下都好多都係鬼仔鬼妹嘅Artist，佢哋嘅相處方式都係一樣。只不過係啱啱依個時間佢哋宣傳合唱歌，走埋一齊個時間多咗完全唔出奇，依啲係好正常嘅方式。（佢哋去睇樓。）咁我都會同Artist睇樓。」
拍拖會同公司講
至於問到若果後來發現兩人真係瞞着公司拍拖，會如何處理，Herman就直言會跟兩人理解，覺得兩人都係好專注事業的勤力藝人，更是絕對值得栽培：「如果佢哋真係拍拖會同我講，第二就係我會同佢哋理解。（會反對？）其實依家呢個世界嘅Artist，同以前嘅公司做法好唔同，一啲嘅自由度係要畀番佢哋。依家嘅廿幾歲同以前廿幾年嘅廿幾歲嘅相處方式係好唔同，所以唔可以壓制一啲藝人。（都批准？）有限度地準，咁最緊要以工作為主。」
勸佢哋唔好再拖手
提到是否真的跟兩人了解過是否真的拍拖，Herman指兩人是朋友關係，只是現時正宣傳合唱歌，問到會否叫兩人唔好再拖手？他說：「鬼仔鬼妹，會勸佢哋喺香港地方有啲做法係唔同外國。」
來源 source: http://hk.on.cc
|
鍾意就快D Share啦！
|
|
|