張兆輝最近喺大台劇《全職沒女》飾演「高富帥」莊富豪，估唔到54歲個Body仲係好得，連佢太太最近都係社交網貼咗張老公背裸倚窗邊嘅相，大騷爆肌相。而王浩信都唔執輸，喺facebook貼咗張爆肌相，都係谷佢套劇《不懂撒嬌的女人》。張兆輝向來美顏有術，除咗每星期都會踢波同健身之外，食嘢都好清淡，主要食菜同白恰雞肉、魚肉等，難怪會引嚟唔少網民對佢有瑕想。對於近日有大陸網民私訊俾張兆輝話「想睡你的床」、「做你的愛人」等，張兆輝今日接受《蘋果》電話訪問笑笑口話﹕「估唔到o依家啲人咁直接！之前最多都係讚有型，很愛你，o依家啲粉絲表達支持程度升級咗，俾人幻想一下，自己都唔介意，都係得啖笑啦，套劇播完就冷靜返㗎喇，加上我最近已經刪除私信喇，哈哈。」太太有冇呷醋？張兆輝話﹕「唔會，全行都知我係唔過電，太太地位冇人可以代替，佢亦好清楚我為人，返內地工作，好多，都係嗰句，冇人索得過我老婆！佢喺我心目中永遠係當年嗰個美女，所以佢唔會擔心。」
來源 source: http://s.nextmedia.com
|
鍾意就快D Share啦！
|
|
|
