張兆輝愈大愈型，睇吓佢副Body就知點解仲可以迷到一班粉絲喇…
「不老型男」張兆輝在《全職沒女》中的高富帥形象，為他吸納更多粉絲，有內地女粉更在微博私信他，主動邀上床！面對女粉的熱情，張兆輝揚言不會剝奪她們的幻想權利，但稱已找到世上最索的女人，正是其「跟得夫人」輝嫂，乘機冧太太！
無綫熱播劇《全職沒女》今晚大結局，張兆輝、陳瀅、張振朗、王卓淇及謝東閔等一班演員已約好今晚齊齊食飯收睇。自劇集播出後，除了讓陳瀅在網上搜尋率躍升20倍外，更讓不老型男張兆輝成為內地女粉絲的「幻想對象」！
張兆輝坦承收到不少女粉私信，稱要與他上床，又話「戀上你的床」，內容大膽，他說：「睇完得啖笑，以前啲女影迷會讚我有型，依家竟然話要同偶像上床！不過畀人幻想吓都得嘅，我唔介意！（唔擔心女粉絲講得出做得到？）唔擔心，我平時返內地工作，收工就返酒店，唔去應酬，加上近期太太都多咗陪我返內地，所以唔擔心有女影迷會搵到上房！」
派定心丸 老婆最索
問到太太是否擔心他定力不夠而採取「人盯人戰術」？張兆輝笑說：「使乜驚呀！內地大把帥哥，啲女影迷見到其他小鮮肉就移情別戀！」他自問定力一流，更向太太派定心丸：「我相信冇一個女人索過我老婆呀！而且呢幾個月我都喺香港，太太更加唔使驚，隔得幾個月，啲影迷就會對我淡晒，同埋我要講，我個Body仲未操弗，要繼續鍛煉，畀佢哋睇到更弗嘅我！」
來源 source: http://hk.on.cc
|
鍾意就快D Share啦！
|
|
|
