熱爆娛樂: 【落選港姐仲吸睛（1）】被嘲似William Hung 肥嘟嘟Flora：個樣最有信心 _

2017年7月17日星期一

【落選港姐仲吸睛（1）】被嘲似William Hung 肥嘟嘟Flora：個樣最有信心 __,Flora,港姐,

今屆香港小姐面試時有咁多人，唔多唔少大家都有啲走漏眼，「蘋果動搞作」就為讀者挑選咗三位滄海遺珠介紹俾大家認識，佢地未必係最靚，但係性格、背景各方面都非常有話題。第一位介紹俾大家嘅係今年27歲嘅事務律師徐天華(Flora)，平日甚為好動嘅佢，已經練咗泰拳5年，返香港面試香港小姐之前，佢仲係泰國打緊泰拳，Flora說：「我嗰陣係泰國打緊拳，咁啱check電話，見到有人send email俾我，要我返嚟面試，咁我就即時訂機票，第二日就飛咗返香港，跟住就嚟咗面試喇。」為咗參加今屆香港小姐，Flora特登辭去咗律師嘅工作，雖然最終都入唔到圍，不過佢話從來都冇後悔，仲話自己已經完成咗bucket list上想做嘅事：「我其實已經好開心，因為達成咗第一個目標，就係我想成為好好嘅事務律師，第一個bucket lis上面想做到嘅野已經達成咗，所以我一啲都唔後悔。」自嘲外形肥嘟嘟嘅Flora，話雖然自己唔係傳統嘅靚女樣，但佢覺得就係咁先可以代表到依家香港時下女性：「我都對自己嘅樣貌好有信心，我唔覺得自己係一個傳統香港女仔嘅美態，我皮膚比較黑啲、可能個樣又比較肥嘟嘟啲，但我覺得好多香港嘅女仔都係咁樣，傳統上未必有咁樣嘅美態，但唔代表你唔靚囉，香港係一個多元化嘅地方，都可以接受好多唔同種類嘅美態。」Flora面試當日，唔少網友笑佢個樣似William Hung(孔慶翔)，對此Flora話完全唔介意，反而大讚網友們創意爆燈，問到佢有咩想同網友們講？Flora話：「好多謝你地嘅關注，我都有啲受寵若驚，有咁多人對我呢個本身一兩個禮拜之前，乜都唔係嘅人有咁大嘅興趣。好多謝你地嘅支持，亦都多謝你地俾我嘅評論，令我對自己有一個新嘅諗法，我會繼續努力，多謝晒。」採訪：倩宜、王梓嫚

協力：Rachel

攝影：沈健程

	爽朗的Flora坦言平日愛做戶愛運動，故她擁有一身古銅色的膚色。	雖然並無幕前的演出經驗，但Flora面對鏡頭時表現淡定。
Flora自言不想過刻板的生活。	Flora希望嘗試不同工作，如司儀、訪談等，她都有興趣嘗試。	「我覺得自己幾勇敢同埋好大膽，可以放棄好多嘢去追一個夢想。」－ Flora Tsui。
雖然無緣入圍香港小姐，但Flora笑指不會後悔參選。	Flora的男友曾天是位金融才俊。	喜歡挑戰自己的Flora，15年到尼泊爾旅遊時曾玩滑翔傘。
學了泰拳五年的Flora，早前她更到泰國練習。	網友笑Flora似William Hung。