網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年7月17日 星期一

娛刺撈飯:學友潮爆歌神唔怕老婆鬧C6 __,學友,張學友,

正所謂「養兒一百歲,長憂九十九」,學友感受最深!養兒一百歲,長憂九十九,呢句說話真係冇吹水,就連張學友呢個神級阿爸都唔例外,為保護兩個女瑤華同瑤萱,自 ...


正所謂「養兒一百歲,長憂九十九」,學友感受最深!

養兒一百歲,長憂九十九,呢句說話真係冇吹水,就連張學友呢個神級阿爸都唔例外,為保護兩個女瑤華同瑤萱,自佢哋出世開始,奉行佢位「神隱老婆」羅美薇嗰套神龍見首不見尾模式:你睇我唔到,你睇我唔到!雖則阿爸一片苦心,但瑤華被阿爸縱到10幾歲連洗衣機都唔識開,純到不食人間煙火咁滯,又點會估到自己用真名「開壇」喺社交網站甫相,同班friend開心share合照,都畀人全面起底大做文章呀!

講真就快17歲嘅張大小姐私密照全面曝光,畀人知個索樣似舒淇都屬小事,但畀人見到同自稱「已婚」嘅外籍靚仔Mathis攬埋一舊,仲要網上公開留言「互Love」!話晒當日學友曾經講過「如果知道個女拍拖,會摷個男仔出嚟打一身」,個個花生友等睇真人演繹「一哭二鬧三隻揪」嘅好戲時,點知學友EQ高到爆錶,仲笑笑口話瑤華只要唔影響學業,唔介意個女拍拖,至於同Mathis抱抱同留言講「I Love You」,學友神回話全部係西方禮儀,等同如「Goodbye」一樣咁話!

學埋咩叫「LOL」「 MSN」

學友由天王進化為「翻譯王」極罕派金句,將西人文化重新定義,呢招為個女解圍之餘,兼表明對個女行寬鬆政策確係高,皆因佢深明女大女世界,依家啲後生仔女唔再受嚴管舊嗰套,道理好似放風箏咁,你用力扯得愈行,咪盞早日斷線飛走,所以要融入仔女嘅天地做朋友,識晒佢啲朋友都係次要,最趕緊就係學識同網上溝通。雖則學友都成56歲人,以前亦好抗拒網絡世界,覺得扼殺咗佢啲歌嘅生存價值外,仲改變晒人與人之間嘅相處模式,但為咗唔想要同個女「這麼近,那麼遠」,都不得不向電腦低頭,就算有老花眼睇嘢矇查查,都要日日上facebook、ig、WhatsApp,就算畀老婆羅美薇鬧玩電腦係最嘥時間又如何,要學埋至新潮語先叫全面,好似咩叫「C6(死佬)」、「 LOL(大聲笑)」、「 MSN(make some noise)」同「CM(comment)」,咁先夠入流、夠貼地,唔怕同個女有代溝。

唔怕老尷埋師奶堆

學友為兩位「前世情人」,年近半百先嚟學電腦都唔算經典,最爆係佢竟然會呷工人姐姐醋,唔畀工人姐姐湊女,係因為怕啲女跟得工人多會黐外人多過黐生父,覺得畀錢人後仲要同人爭女好唔合理,所以佢寧減產都要返屋企親自做「家庭主夫」,眠乾睡濕為兩個女執屎執尿換片,沖涼同餵奶一腳踢,因為老婆大人覺得玩係全世界最嘥時間嘅事,所以一直以來都係由學友一支公帶女去玩。到兩個女要返學,學友就做埋司機,仲唔怕老尷同班媽媽逼埋喺學校門口等細路添,最難得係佢好似師奶上身,喺放學前撲去超市幫啲女買日常用品都未夠,就連性教育都係親自解畫。打工最低工資每小時都收34.5元呀,但學友呢份24小時on call住家工,連斗零都冇,仲要無限量倒貼,真係比佢任何一份工攞命得多。


來源 source: http://hk.on.cc
鍾意就快D Share啦!