90年3月15號創刊，首期銷量3.2萬本，至第五期銷售已飆升一倍。人稱沙膽虹的張劍虹，91年加入，94年出任總編輯，現為《蘋果日報》社長。張劍虹今年3月接受《壹》仔訪問時，就透露《壹》仔吸引之處。張劍虹透露，別的週刊當年只有十人團隊，我們有成百人，大部分人一星期只做一篇報導，當時任職編輯的他在想：「一個星期寫一篇稿咁少？咁得閒？」不過做落才發現每個報導都是尋根問底，連表面上無關痛癢的都要知，「我哋同報紙唔同，雜誌要story telling，好似榕樹頭講古，個古仔應該點樣講呢，個古仔應該由邊個鏡頭入呢？要有好多細節，邊個同邊個食飯呀，食乜嘢呀，佢喺陸羽點了幾碟點心，蛋撻定乾蒸牛肉呢？都要寫埋㗎。除了有主角，還要有情景，周圍好多嘅嘢襯托佢，咁隻古仔咪引人入勝。」每個星期都有上版會、封面會，要好似銷售員般向老總和社長「Sell古仔」。張劍虹指早年創辦人黎智英都有參與，評語往往不留情面，他憶說：「有人提議用公屋做封面，老闆話公屋唔得喎，我哋話『唔係㗎，好多人住公屋』，老闆話『米夠多人食，又唔好用米做封面』。」還有一次，「肥佬黎叫大家去開會，成個財經組，我喺度。（黎智英拍枱）唔一定要財經組㗎，法例無規定要財經組㗎，香港無一條法例規定要有財經組㗎。」因此《壹》仔記者除了要做足功課，做靚隻古仔，面皮亦要練得幾呎厚。另外，人稱堅哥的葉一堅，曾在1994至1995年任壹週刊時事組副總編輯。堅哥稱《壹》仔最輝煌時，一年可以賺億元，記者每年分花紅分到笑，而當年只有《壹》仔做踢爆故仔，亦成為週刊最強賣點。他指要做這類踢爆故事，最重要就是記者親身參與，甚至自己去被人騙一次，這樣才能掌握整個過程，讀者看起來也特別過癮。他憶述，《壹》仔以前踢爆過一個關於火車的鬼故事，或許不少九十代的讀者仍有印象，那就是以前有個KCR廣告，畫面是一班小朋友搭著膊頭扮火車，很經典的廣告。「但後來社會流傳，話參與拍攝嘅細路仔全部死晒，傳到鬼咁逼真，呢個點死個個又點死，幾時又死一個咁，總之全部死晒，咁邊個去踢爆呢，咪又囉。」因此做了個封面，踢爆這個傳聞是假的，更上大陸把參與拍攝的小朋友全部找到，證明一個都沒有少，社會傳言立即終止。「我哋搵番晒大陸個啲細路仔，個期踢爆封面賣到加印，以前消息唔流通，太需要報紙雜誌存在。」除踢爆故仔外，《壹》仔首創「一書兩冊」的雜誌，傳媒行內叫為Book A及Book B。（詳細報道：http://bit.ly/2thGV3G）另外，曾揚言「恥與明報為伍」的資深傳媒人、專欄作家屈穎妍曾任《壹》仔副總編輯，更有「筆神」之稱，但今日已與泛民分道揚鑣。（詳細報道：http://bit.ly/2t6ognu）蘋果財經，關心你飯碗
http://fb.com/appledailyatm
|
鍾意就快D Share啦！
|
|
|