估唔到Sammy最掛住無綫嘅竟然係冇得瞓。
歌手沈震軒（Sammy）去年底離開無綫，問到有甚麼不同？他笑言比以前睡多了：「休息多咗，但要同自己講唔可以懶。我反而好掛住嗰時兩、三日都唔瞓覺，但仍然可以繼續工作、記到對白。」現在他有機會嘗試不同工作，很希望與更多單位合作：「我好鍾意離開Comfort Zone，唔知係咪叫犯賤，不過電視劇都有講，人生有幾多個十年？」
Sammy 11歲時去了加拿大讀書，除了語言不通、沒有朋友，又看不到熟悉的卡通片，但他坦言喜歡新嘗試：「唔想得一個模式做嘢，可能我對自己嘅要求有啲過份，想自己參與多啲。」對於離開無綫的決定，身邊有人支持，亦有人反對，Sammy說：「好多嘢嘅過程唔需要講太多，最緊要最後個成果係點，要堅決自己當初嘅諗法。如果做完決定又後悔，又或者因為驚而唔做某啲決定，到頭來可能兩頭唔到岸。」他強調每當做了決定，就會不顧一切，閉上眼向着目標衝。
來源 source: http://hk.on.cc
|
鍾意就快D Share啦！
|
|
|