2017年8月16日 星期三

【新歡都係港姐】袁偉豪被爆撻着張寶兒 前度岑杏賢:戥佢哋開心 __,袁偉豪,張寶兒,港姐,岑杏賢,

36歲袁偉豪(Ben)同拍拖3年嘅前港姐岑杏賢舊年分手,事後Ben多次爆響口話想復合,但有指女方態度強硬,「牙佬」翻撻冇望。不過做咗一陣「獨男」後,B ...


36歲袁偉豪(Ben)同拍拖3年嘅前港姐岑杏賢舊年分手,事後Ben多次爆響口話想復合,但有指女方態度強硬,「牙佬」翻撻冇望。不過做咗一陣「獨男」後,Ben感情終於有着落,新歡同樣係港姐,今日有報道指Ben暗撻現年25歲嘅張寶兒(Bowie),二人喺今年5月,出發到坦桑尼亞拍攝大台旅遊節目《打工捱世界Ⅱ》時,日對夜對火速撻着。返港後,二人繼續約會,戀情升溫,但有指Ben因為唔想太高調,令前度岑杏賢尷尬,所以一直只係同Bowie發展地下情。據知Bowie原本有一拍拖穩定嘅男友Jonathan,但舊年已告分手。現時換上新男友嘅佢,連FB嘅cover pic都換上自己同Ben嘅合照,而二人嘅座駕,亦被影到喺電視城泊埋一齊「晒愛」。對於前度撻着同樣係港姐嘅張寶兒,岑杏賢今日回覆《蘋果》表示:「有睇報道,不過唔知真定假,如果係真嘅,都戥佢哋開心嘅!」

袁偉豪同岑杏賢3年情舊年玩完,對於前度傳出新戀情,岑杏賢大方送祝福。(資料圖片) 有指袁偉豪刻意將新戀情低調處理。(資料圖片) 被指係袁偉豪新歡嘅張寶兒,今年25歲,同樣係港姐出身。(資料圖片)

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...