一聽到韓馬利（左）呢個名，首歌嘅音樂就會喺個腦度浮出嚟…
身為八十年代經典性感女神嘅夏文汐，雖然依家已經超過五十歲，但仍然魅力十足，最近佢更處女下海為無綫首次拍劇，為無綫新劇《逆緣》演出，奉旨同黎諾懿大玩姐弟戀！話晒係性感女神，夏文汐當然會晒吓料，同劇嘅林夏薇喺社交網站上載同夏文汐、韓馬利齊齊包住毛巾焗桑拿嘅合照，仲留言：「大半夜焗桑拿…有情調的三個人」。騷靚肩同長腿嘅夏文汐，坐喺細自己超過廿年嘅林夏薇隔籬，完全唔輸蝕外！亦有唔少網友話今年六十三歲嘅韓馬利非常少有咁晒香肩，大讚佢同樣有料到，話估唔到韓馬利都同夏汶汐一樣咁有女人味，又話呢張相好睇過寫真集值得珍藏，網民仲留言講笑：「女人真係唔可以睇少！」當年有首廣告歌就畀人改歌詞變咗「如果太多韓馬利，朱茵一定冇碇企！等到朱茵一陣返番嚟，韓馬利又唔爭氣！」基本上一聽到韓馬利個名就會唱呢首歌！今次佢哋一齊晒白滑香肩，韓馬利可以話係爭番啖氣呀！
來源 source: http://hk.on.cc
|
鍾意就快D Share啦！
|
|
|
