黃心穎話佢好享受自己養自己。
藝人黃心穎為手錶品牌活動擔任司儀，輕露線頭的她表示入行第二年開始都有擔任司儀角色，她說：「通常做周年晚會多，所以比較少見到大家，所以家姐（黃心美）咪話我搶佢飯碗。」她坦言現時需要供樓，所以甚麼工作都要做，而且周年晚會及產品發布會全年都有，但商場活動如果當時沒有拍劇或新聞的話，就會相對少工作機會。
多方面發展
黃心穎認為作為藝人要多方面發展，不擔心因為向這方面發展而缺少其他機會，又不想局限於演技上，想學多點技能養活自己：「始終我係綜藝主持出身，練吓我啲口才同語言都幾好。（會唔會想唱歌出碟？）有機會都想，但要多啲時間練習，但唔會強求。」
享受自己養自己
提到要養活自己，問為何不找別人養，黃心穎說：「喺未畀人養嘅時候，自己養咗自己先啦，有樣嘢我好引以為傲同享受嘅，就係自己賺錢買想要嘅嘢，比起畀人養嗰種開心係唔同。（如果有個養得起你嘅人出現你接受？）到時先算另一半一定會養我㗎啦。（諗住享受養自己幾多年？）唔知喎，就算有另一半我都想有能力賺錢，始終呢個係畀自己一個保障。（緋聞男友馬國明應該養得起你？）我好大使佢養唔起我㗎！我嘅理念係唔知人生有幾長，鍾意就買咗畀自己先，係好活在當下。（係咪暗示對方要儲多幾年錢？）我冇咁諗過，冇暗示嘢畀任何人聽。」
來源 source: http://hk.on.cc
|
鍾意就快D Share啦！
|
|
|
