咁幾時先會正式公開呀？
港姐張寶兒（Bowie）到將軍澳電視城開工，被踢爆與袁偉豪撻着的她，接受訪問時，張寶兒全程甜笑冧爆。問到二人是否拍拖？她直言了解中：「去到互相了解嘅地步。（有冇約出街？）大家了解嘅方法係唔同嘅，我都會想了解呢個人嘅作品，係個點樣嘅人。（約出嚟見面咁了解？）要約出嚟係難啲，大家都好忙。（有冇單獨約會？）冇乜喎，去完非洲之後大家有聯絡，同成個台前幕後有個Group，所以咁樣傾吓偈都係一種了解。（係咪喺非洲撻着？）喺非洲認識，之前只係同事，只有傾偈。」
問袁偉豪是否她喜歡的類型？Bowie笑說：「我好欣賞佢。（欣賞佢大隻？）欣賞佢係一個好務實好出色嘅藝人。（啱傾？）我同好多人都啱傾！同佢都OK嘅。（港姐殺手喎！）係？」有指Bowie亦在社交網站放閃，她說：「睇到報道我都有啲驚訝！嗰個Page係選完後粉絲幫我開嘅，選完後就一直用緊嗰張相，唔係我整嘅。（覺得粉絲認同你哋一對？）選完就有呢張相，都太耐以前。（覺得佢追你？）感覺大家都表示友好。（即係你都畀機會佢？）大家起碼唔抗拒，再睇吓點囉。」Bowie早前回復單身，問到是否已Ready拍拖？她即尷尬說：「都好難講，好似接Job咁，有Job咪接囉！我覺得人生係隨遇而安嘅。（約會吓？）有緣分囉。（被踢爆有壓力？）每一日都有壓力嘅，相信對我自己係一個好好成長。」師姐岑杏賢都祝福你哋，會否覺得消除尷尬？Bowie說：「都同佢見過面傾過偈，佢好Nice，冇話尷唔尷尬。（問心佢開綠燈？）同事之間有咁多嘅愛係好事嚟！」
來源 source: http://hk.on.cc
|
鍾意就快D Share啦！
|
|
|
