張振朗預告下下星期床戰李佳芯。
藝人張振朗到電台宣傳劇集《踩過界》，講到劇中他與李佳芯會有床上戲，他表示下下個星期應該會播，他笑言應該很多宅男粉絲會很期待，講到當時拍攝情況？他笑言反而是自己怕醜：「場戲係佢做主動，所以係佢污辱咗我。」他亦笑言戲內要打對方pat pat，笑言打了30幾下：「打完本來仲要捏一捏，但我怕醜，所以就拍多咗幾吓。」問到可是首次拍床上戲？他謂之前跟陳瀅都拍過，但今次更激烈。
問到今次拍床戲前可有跟李佳芯溝通？他謂：「都冇乜點，兩個人冇乜溝通，雖然我哋都熟，但都係等導演做中間人處理。（有冇排過？）有，只係等導演出聲好啲。」問到拍床戲前可有與女友陳芷尤備案？他尷尬笑言：「佢好善解人意。（到時叫佢睇？）佢一定會睇，但睇完使唔使跪玻璃就再算。（佢會呷醋？）唔會，上次佢拍《心理追兇》同人打茄輪我都OK。」
講到工作，他透露九月會與龔嘉欣開新劇，問到兩人可是飾演情侶？他謂兩人又未到情侶的關係，講到兩人之前曾傳緋聞，問到今次可擔心再傳緋聞？他笑言：「唔驚，傳過一次就唔再傳。（因為已有正印？）或者啦。」
來源 source: http://hk.on.cc
|
鍾意就快D Share啦！
|
|
|
