2017年8月16日 星期三

男友現身 G.E.M.蛋糕唔敢切到尾驚嫁唔出 __,G.E.M.,G.E.M,鄧紫棋,

G.E.M.與一大班fans慶祝生日。「宇宙天后」鄧紫棋(G.E.M.)於8月16日26歲生日,各地粉絲分別為她送上不同的生日驚喜。早前在香港出席頒獎 ...


G.E.M.與一大班fans慶祝生日。

「宇宙天后」鄧紫棋(G.E.M.)於8月16日26歲生日,各地粉絲分別為她送上不同的生日驚喜。早前在香港出席頒獎禮後,G.E.M.特意抽空到會場外與粉絲近距離見面,超過百名歌迷守候,並驚喜送上大蛋糕及生日卡,氹得壽星女笑到見牙唔見眼。G.E.M.在切蛋糕時高呼:「我唔會切到底㗎!我唔會切到底㗎!」事關流傳生日蛋糕一刀切到底的話,恐會「嫁唔出」。G.E.M.笑言:「我每個蛋糕都唔會切到底,因為我都係比較傳統諗法,唔係驚會嫁唔出,但係生日始終都要講意頭㗎嘛,哈哈!」其後,她與粉絲們聚舊合照,又與一些未能到場的歌迷玩視像電話聊天,場面溫馨。

8,000人唱生日歌

G.E.M.日前抵新加坡舉行踏入26歲前最後兩場「Queen of Hearts世界巡迴演唱會」,在Encore環節,當地歌迷準備了鮮花及蛋糕,高舉「生日快樂」大型橫額送給台上的壽星女。又驚又喜的G.E.M.不忘將祝福分享給另一生日的歌迷,帶領全場唱生日歌,又在自己收到的生日花束中抽出一朵送給對方。G.E.M.表示在正日生日前已收到滿滿的愛及生日驚喜:「蛋糕都收咗好幾個喇,最驚喜係喺演唱會上,歌迷突然推咗個蛋糕出嚟,全場8,000人唱生日歌畀我聽。我感覺好似開咗個大型嘅生日Party,有8,000個人同我玩咁,好難忘。」不過美中不足的是,由於她正忙於備戰9月15至17日紅館演唱會,即使面對蛋糕誘惑,也只能「眼看口勿動」。

而今年G.E.M.的生日願望是希望與粉絲齊做善事回饋社會,呼籲歌迷捐出「81.6」人民幣或「8.16」美金給慈善機構,幫助患有先天性疾病的兒童。她說:「我以前細個成日有好多唔同嘅願望,但慢慢人大個咗,發現生日願望都係好簡單,就係身邊嘅人健康快樂。我知道有好多粉絲都好錫我,希望可以將呢份愛錫祝福到更多人。」G.E.M.又透露今年生日本來打算留在新加坡當旅行慶祝,不過生日翌日須投入工作,所以完成獅城演唱會後,隨即回港與家人朋友簡單吃飯慶祝。

另外,G.E.M. 喺尋晚已經同成班朋友好似何超蓮、王君馨、鍾舒漫、鍾舒祺同埋男朋友仔Mark Ngai齊齊過生日,見超蓮都好有心預備蛋糕同G.E.M.慶祝,就喺吹蠟燭嗰陣,仲聽到成班朋友係咁起哄話:「咀佢!咀佢!咀佢!」不過就未見Mark入鏡有所行動,仲搞到G.E.M.當時唔知點好!

期間G.E.M.玩到好開心,即場好快咁飲晒成杯酒,之後超蓮仲講笑話G.E.M.雖然飲醉咗,但唱歌仍然好有水準,雖然啲相就好似唔多見有Mark出現,之不過喺G.E.M.嘅IG Story入面,見到原來Mark坐喺G.E.M.隔籬,仲好怕醜咁對住鏡頭Say Hi添!


來源 source: http://hk.on.cc
鍾意就快D Share啦!
Related Posts Plugin for WordPress, Blogger...