網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年9月28日 星期四

【獨家】搵埋混血繼女同老婆拍孕照 張達倫幫阿仔改名「大秋雞」? __,張達倫,

38歲嘅「嚴謹」張達倫(Max),去年同青梅竹馬嘅舊同學陳鳳玲(Kimmy)結婚,今年4月宣布造人成功,仲拍片放上網報喜,心情超級興奮。預產期喺下個月 ...


38歲嘅「嚴謹」張達倫(Max),去年同青梅竹馬嘅舊同學陳鳳玲(Kimmy)結婚,今年4月宣布造人成功,仲拍片放上網報喜,心情超級興奮。預產期喺下個月嘅Kimmy,日前仲喺朋友圈,分享咗幾張同老公張達倫影嘅靚靚孕照。

就生得嘅Kimmy個肚好似籮咁大,佢揀咗一套黑色同一套白色嘅性感紗裙影相,相反Max就無趁機會騷肌,只係着咗白恤衫同西褲,而其中一張仲有Kimmy同前夫所生混血女兒,事關張達倫同Kimmy囡囡關係一向好好,而且就嚟多個細佬,囡囡都好開心。

除咗美孕照,Kimmy仲分享咗一張囝囝嘅4D相,之前講笑話老友黎諾懿囝囝叫「小春雞」,佢囝囝秋天出世叫「大秋雞」嘅張達倫,接受傳媒訪問就話:「係呀!老婆預產期喺下個月,未改名呀,已經請咗家傭姐姐,但冇請陪月,因為老婆話自己搞得掂,同埋想自己照顧番,家傭姐姐就幫手做下家務。」

問張達倫有冇攞定侍產假陪老婆?佢就開心咁話:「有假放呀!本來有個劇要返大陸,咁啱成個刻推遲咗到明年初先開工,咁一定可以留喺香港陪老婆生喇,因為老婆想順產,所以都緊張架,隨時要攞走佬袋入醫院架嘛!」



38歲嘅「嚴謹」張達倫,去年同青梅竹馬嘅舊同學陳鳳玲(Kimmy)結婚,今年4月宣布造人成功。 日前張太Kimmy仲分享咗幾張同老公張達倫影嘅靚靚孕照。Kimmy同前夫所生混血女兒亦都影埋一份。


張達倫仲話暫時未有工作,可以留喺香港陪老婆生B。


鍾意就快D Share啦!