36歲嘅范冰冰同李晨因為拍《武媚娘傳奇》而撻著，不過當時佢哋都低調處理感情，未有對外正式公開，但係紙又點會包得住火，最終李晨喺微博貼咗張合照，著晒情侶裝留言以「我們」作稱呼，正式宣佈戀人關係，估唔到事隔2年幾，李晨又用「我們」嚟宣佈婚事！
冰冰同李晨呢段關係認真愛得高調，除咗喺微博貼圖外，亦不避忌咁公開相處點滴，好似佢哋合體接受小S嘅訪問，喺節目度被問「最近一次做愛是何時」，食咗「誠實豆沙飽」嘅李晨，竟然好坦白話自己啱啱喺澳洲公幹返嚟嘅第一天已做，搞到冰冰尷尬又無奈！
公開戀情之後，外間一直唔睇好呢段女尊男卑嘅戀情，不過冰冰力撐男友，之後有傳媒發現，指軍人家庭出身嘅李晨，其實係隱形富豪，佢喺13年打入褔布斯中國名人榜，喺16年更以年收入4,460萬人民幣排行第十九，仲有傳佢嘅身家最少有10億人民幣，喺北京、上海、杜拜都有物業，真係一啲都唔輸蝕，不過事後李晨否認呢件事。
結婚消息傳出後，舒淇、王祖藍同楊冪都有留言祝賀，楊冪仲話：「一定要幸福！祝福！！！永遠幸福，祝福晨哥和哈尼冰。」
| (微博圖片) | | |
| | | |
| |
來源 source: http://hk.apple.nextmedia.com
|
鍾意就快D Share啦！
|
|
|