分手要狠，都咁耐喇，Lynn對城城更加冇感覺！
名模熊黛林（Lynn）現身Moiselle時裝騷，提到有傳Lynn舊愛郭富城最近升呢為人父，Lynn坦言：「我唔知佢生咗。（恭喜佢？）唔知，未有消息。我唔多事，唔做呢啲嘢。（如果佢正式公布，你會唔會傳短訊恭喜佢？）都唔會，咁耐冇見。（係咪冇聯絡？）唔需要喇！」
另外，問到她何時造人成功？Lynn叫大家多給點時間，順其自然，問她是否要生四個，她笑言：「冇，邊趕得切，生兩個都唔知夠唔夠時間。（努力緊？）時刻努力，時刻準備。（老公有冇催？）冇，大家工作都忙。」Lynn透露由她與老公郭可頌合作的時尚運動品牌下星期便正式在網上開賣：「最近真係好忙，又要聽電話、收訊息同開會，忙到斷氣，從來冇試過咁憎個電話，見到就想嘔。我哋有請人幫手，但自己生意要親力親為先放心，之前放手畀人搞咗兩個幾月，依家接手都太遲。」
Lynn指其品牌籌備年多，她有份畀設計靈感，也會做代言人：「我有做模特兒影相，老公都有上陣。（你指點佢擺甫士？）佢好簡單，主要係影我，佢唔畀我同男模特兒一齊影，因為運動衫係bra top比較少布，男嘅就唔着上身衫，佢接受唔到我同男模特兒一齊。（你下月生日，係咪可以休息吓？）希望可以休息。如果生意穩定啲，希望有時間放假。」
來源 source: http://hk.on.cc
|
鍾意就快D Share啦！
|
|
|