網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年10月5日 星期四

劉德華重演經典雷洛 甄子丹拒絕再演奸角 [壹週刊 - 1439] __,子丹,劉德華,甄子丹,M1,

訪問期間劉華同甄子丹互笠高帽。探熱針劉德華重演經典雷洛 甄子丹拒絕再演奸角電影《跛豪》及《雷洛傳》成為香港傳記片的經典,相隔26年劉德華在電影《追龍》 ...






訪問期間劉華同甄子丹互笠高帽。

探熱針

劉德華重演經典雷洛 甄子丹拒絕再演奸角

電影《跛豪》及《雷洛傳》成為香港傳記片的經典,相隔 26年劉德華在電影《追龍》中再演「五億探長」雷洛,同「毒梟跛豪」甄子丹首次攜手合作,將兩位傳奇人物黑白兄弟情重現,雖然機會難得,但丹爺就話跛豪角色太難做,仲表示日後唔想再演反派角色,難到點?就連劉華都話自己拍唔嚟,究竟係咩考起兩位大佬?

潮州話考起「宇宙最強」





甄子丹和劉德華在《追龍》首次合作,重現兩位黑白傳奇人物的兄弟情。

甄子丹和劉德華在影圈逾三十多年,現在才首度合作在《追龍》中做亦敵亦友的傳奇人物,曾經演過葉問、陳真等正面人物的子丹,今次要挑戰做反派「跛豪」,為了還原「跛豪」形象,除了特意走訪了「跛豪」家鄉,更聘請潮州話教授貼身教授數個月,訪問當日,連劉華都話自己拍唔嚟!甄子丹:「真係好難,比我想像中難。(邊啲潮州話最難講?)好多,比如『兄』嗰個字。我講咗幾百次喇,但我潮州老師都走埋嚟話我講得唔啱!」劉德華即自嘲:「所以咪話我點解佩服佢囉!當年其實雷洛都應該講潮州話,但我最後冇講,講俾大家聽因為我練唔到呀!」







雖然是演「跛豪」,但甄子丹在戲中仍不乏打鬥場口!





戲中做大反派的甄子丹和演「雷洛」的劉德華亦敵亦友!





甄子丹指今次於戲中演反派「跛豪」是近年罕見,身兼監製的他經常同幕後團隊討論!

一九九一年,當年只有三十歲的劉德華演雷洛一角深入民心,問到這次重演有何感受,他說:「就好似昨日發生嘅事,不過以前會比較單方面啲,今次會睇多咗角色嘅內在,雷洛要考慮黑白兩道平衡,所以用較內斂的方法去演!」再問到會否考慮開續集,同丹爺轉角色,華仔做跛豪,丹爺做雷洛?劉德華說:「晶哥真係問過我呀!佢話再拍多次囉。我話你係咪認真?」甄子丹笑言:「阿劉生嗰個(雷洛)係經典嚟㗎喇,我無謂掂啦。」而劉德華都好謙話:「佢未演之前我都仲諗吓(演跛豪),佢演咗我唔諗喇!」





在電影中特別演出的劉德華,戲份由頭帶到落尾,同主角冇分別!





當年只有 30歲的劉德華,化老妝演雷洛一角深入民心。

撰文:娛樂組

攝影、攝錄:李溢敏、余一駱 

化妝:劉德華@Lai

髮型:甄子丹@Jacky Leung@II Colop PP、劉德華@Lai

形象:劉德華@Olivia


鍾意就快D Share啦!