黃長興日前應德國卡爾牌廚具（Carl Schmidt Sohn）邀請，到荃灣荃新天地示範法式美食，得到大批市民激讚廚藝，令佢燃起一團火，希望向「阿爺」李家鼎廚神之路進發！之前喺香港開過法國餐廰嘅黃長興，一向對西餐十分講究，好多時會親自落廚鑽研菜式，活動當日大會安排現場人士即場試食，結果引來大批街坊圍觀，百幾人排隊試佢嘅手勢。
黃長興嗰日示範整法國洋蒽湯及蟹肉餅，估唔到佢嘅刀藝及煮法都見到吓人，又即場大派入廚貼士，就係「含水落刀切洋蒽包保不流淚」，氹得現場觀眾勁開心，仲話佢係睇得兼煮得嘅暖男。對於現場觀眾嘅反應，黃長興話：「估唔到咁多人喜歡我煮的食物！其實我一向愛煮西餐，畢竟在法國住咗咁多年，對佢嘅煮法同味道都相當了解，而經過這幾年間在香港生活，你叫我整個楊州炒飯都冇難度㗎⋯⋯不過，中餐當然係鼎爺犀利啦，每度菜式都色香味俱全，但咁西餐廚神就不如留俾小弟哈哈！」
男人愛下廚，最大得益應該係老婆，黃長興又話：「老婆當然有口福啦，不過我還有兩個小fans，就係我的囡囡同囝囝，佢哋好捧我場，每次我所煮的食物，佢哋都會掃清光，我有時還會跟他們一起做薄餅，一齊搓粉、落料，也是個很好的親子活動！」長興係個好老公好爸爸，睇佢出席活動當日，老婆同女兒都靜靜雞撐場，就知
來源 source: http://nextplus.nextmedia.com
|
鍾意就快D Share啦！
|
|
|