「十優港姐」麥明詩(Louisa)喺處女作《賭城群英會》嘅演技被網民批評到慘不忍睹，麥明詩之後出席活動被問到「死魚眼」，佢話：「我雙眼呈待機狀態係弱點，我起身會練習開合眼10次。」(新聞連結：http://bit.ly/2y0CImp)
麥明詩嘅第二套作品《使徒行者2》，香港版本噚晚播到第13集，但係大陸版本已經可以煲到第20集，雖然佢喺頭段嘅戲份唔多，不過話晒係新晉小花之一，大台又點唔俾戲佢演？如果睇完麥明詩同魏焌皓嗰啲甜在心嘅談情戲，唔多夠喉嘅話，不如轉個鏡頭，睇吓麥明詩做臥底又稱唔稱職？
劇集去到第20集，故事情節依然係搵黑警、搵臥底，身為三哥徒弟嘅魏焌皓，俾Madam張(蔣祖曼)威脅做黑警，仲搞到同三哥嘅師徒關係決裂，另一方面佢又發現女友原來係臥底，本來佢諗住同Madam求情，希望可以放過女友，喺片段見到麥明詩俾人捉咗，魏焌皓又脅持蔣祖曼，不過跟住又會見到麥明詩著住婚紗俾人殺死，魏焌皓個樣喊得好淒涼，做得黑警，又點會放過一啲對自己有害嘅人，睇嚟麥明詩最終係難逃一死！
不過值得留意嘅係，原來只要唔談情說愛，改為做啲要用腦嘅嘢，睇落麥明詩係順眼好多，喺劇中本來話係做財務公司職員嘅麥明詩，一直幫張兆輝調查有冇警員涉及借貸，再搵出邊個係黑警，喺搜證過程裡面，麥明詩睇落又好冷靜，同談心個樣簡直判若兩人！但係轉個頭得番佢同三哥嗰陣，三哥問佢仲愛唔愛魏焌皓，雖然應該心情係好複雜，不過睇完佢嘅演出，又唔係好感受到嗰種心情，似乎佢都要喺呢方面落多啲功夫！
| (網上圖片) | | |
| | | |
| | | |
| | | |
| | |
來源 source: http://hk.apple.nextmedia.com
|
鍾意就快D Share啦！
|
|
|